Di Nɔmba Dɛm 19:13 - Krio Fɔs Oli Baybul

¹³ Ɛniwan we nɔ gri fɔ was insɛf fɔ klin na PAPA GƆD yay afta we i ol dedebɔdi, de bamfa PAPA GƆD in Tɛnt. Dɛn fɔ drɛb da pɔsin de mek i kɔmɔt na Izrɛl. Bikɔs dɛn nɔ sprinkul da wata we fɔ mek am klin pan am, i nɔ klin ɛn na so i go de as pɔsin we nɔ klin.

Di Nɔmba Dɛm 19:13 Referans Kwoze

Lɛvitikɔs 15:31

PAPA GƆD tɛl Mozis ɛn Erɔn se na so dɛn fɔ mek di Izrɛlayt dɛn nɔ day tɛm we dɛn nɔ klin na PAPA GƆD yay bikɔs dɛn nɔ go go na di tɛnt we PAPA GƆD kin mit dɛn na di kamp ɛn pwɛl de.

Lɛvitikɔs 22:3

I se Mozis fɔ tɛl dɛn se if ɛniwan na dɛn jɛnareshɔn go nia di oli tin dɛn we di Izrɛlayt dɛn dɔn pre pan, we i nɔ klin na PAPA GƆD in yay, i nɔ go mek i bi man we de mek sakrifays fɔ pipul sin igen: I se nain na PAPA GƆD.

Lɛvitikɔs 7:20

bɔt if pɔsin it pan di bif wɛn i nɔ klin na PAPA GƆD yay, PAPA GƆD nɔ go kɔnt am as wan pan in pipul dɛn.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Jɔn 8:24

Na dat mek a tɛl una se, una go day wit ɔl una sin. Ɛn una go day wit una sin, if una nɔ biliv se ‘Mi na di pɔsin we a bi.’”

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

Di Nɔmba Dɛm 19:20

Bɔt if di pɔsin we nɔ klin ɔ nɔ mek insɛf klin, dɛn fɔ drɛb am kɔmɔt na di kɔmyuniti bikɔs i dɔn bamfa PAPA GƆD in Tɛnt. Dɛn nɔ sprinkul di wata we fɔ mek am klin pan am so i nɔ klin na PAPA GƆD yay.

Di Nɔmba Dɛm 19:18

Dɛn wan man we klin na PAPA GƆD yay fɔ tek sɔm pan di Isɔp lif, dip am insay di wata ɛn sprinkul am na di tɛnt pan ɔl di tin dɛn we de de, ɛnibɔdi we de de ɛn pan ɛnibɔdi we dɔn tɔch mɔtalman bon ɔ ɛni grev ɔ sɔmbɔdi we dɛn dɔn kil ɔ sɔmbɔdi we day nachɔral wan.

Di Nɔmba Dɛm 19:9

Na wan man we klin fɔ gɛda di yɔŋ uman kaw in ashis ɛn put am na ples we klin na PAPA GƆD yay bɔt we nɔ de insay di kamp. Dɛn go kip am de fɔ mek di Izrɛlayt dɛn put am na wata we dɛn kin yuz fɔ was fɔ mek dɛn klin na PAPA GƆD yay. Na fɔ yuz am fɔ mek dɛnsɛf klin afta dɛn dɔn sin.

Di Nɔmba Dɛm 15:30

“Ɛnibɔdi we sin wɛda na fɔrina ɔ na bɔn Izrɛlayt, dɔn fityay PAPA GƆD ɛn so fɔ drɛb di pɔsin.

Di Nɔmba Dɛm 8:7

Fɔ mek dɛn klin na mi yay, na dɛn tin ya yu fɔ du: sprinkul di spɛshal wata pan dɛn we fɔ yuz fɔ klin dɛn, dɔn mek dɛn shev dɛn wanol bɔdi ɛn was dɛn klos dɛn. Na so dɛn go mek dɛnsɛf klin na mi yay.

Lɛvitikɔs 20:3

I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Lɛvitikɔs 5:17

If di sin we pɔsin kɔmit na fɔ du wetin PAPA GƆD se nɔ fɔ du, ivin if i nɔ no, na sin i sin ɛn i fɔ bia wetin go apin.

Lɛvitikɔs 5:6

ɛn i fɔ gi sɔntin to PAPA GƆD fɔ di sin we i kɔmit. Dis tin fɔ bi wan uman yɔŋ ship ɔ got frɔm wetin i de mɛn, we fɔ bi sin ɔfrin; dɔn di man we de mek sakrifays fɔ pipul sin go beg padin fɔ am fɔ di sin we i sin.

Lɛvitikɔs 5:3

Ɔ if pɔsin tɔch ɔda tin we na mɔtalman mek i nɔ klin na PAPA GƆD yay, i lɛk us kayn tin, ɛn if i nɔ no sɛf, wɛn i kam no, i go gɛt fɔ sɔfa fɔ dat.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Lɛvitikɔs 7:21

Ɛn if ɛnibɔdi tɔch tin we nɔ klin na PAPA GƆD yay, i kin bi mɔtalman ɔ animal ɔ ɛni ɔda tin we nɔ klin na PAPA GƆD yay, dɔn i kam it pan di bif we dɛn sakrifays to PAPA GƆD as pis ɔfrin, PAPA GƆD nɔ go kɔnt da pɔsin de as wan pan in pipul.

Di Nɔmba Dɛm 19:14

Na di lɔ dis bɔt ɛnibɔdi we day insay ɛni tɛnt: ɛnibɔdi we go insay di tɛnt ɛn ɔl udat tap de nɔ go klin fɔ sɛvin de,

Di Nɔmba Dɛm 19:19

Na di tɔd de ɛn di de we mek sɛvin, di man we klin fɔ sprinkul di man we nɔ klin ɛn na di de we mek sɛvin i fɔ klin. Di pɔsin we dɛn de mek klin fɔ was in klos ɛn was wit di wata bɔt i nɔ go klin na PAPA GƆD yay te ivintɛm.

Izikɛl 44:26

Afta i dɔn dɔti insɛf, i go kɔnt fɔ insɛf, sɛvin de, dɛn i go klin.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Lɛvitikɔs 22:4

Nɔbɔdi we de na Erɔn in jɛnareshɔn we gɛt bad sik nain bɔdi ɔ we de pul wata kɔmɔt insay am fɔ it pan di oli tin dɛn te i klin na PAPA GƆD yay. I se ɛnibɔdi we tɔch wetin nɔ klin na PAPA GƆD yay lɛkɛ if i tɔch udat dɔn tɔch dedebɔdi ɔ if nainsɛf de pul wata kɔmɔt insay am,

Di Nɔmba Dɛm 9:13

If ɛni man we nɔ klin nain yay ɛn i nɔ go patrol nɔ jɔyn in kɔmpin dɛn fɔ sɛlibret di Pasova Fɛstival, dɛn fɔ drɛb am bikɔs i nɔ mek sakrifays to PAPA GƆD di tɛm we i se i fɔ du am. Di man go gɛt fɔ bia wit wetin di sin we i kɔmit gi am.