Di Nɔmba Dɛm 18:5 - Krio Fɔs Oli Baybul

⁵ Na una rɛspɔnsibul fɔ tek kia ɔf di Tɛnt ɛn di ɔlta so dat PAPA GƆD nɔ go vɛks ɛn baranta pan di Izrɛlayt dɛn igen

Di Nɔmba Dɛm 18:5 Referans Kwoze

Ɛksodɔs 27:21

Erɔn ɛn in bɔypikin dɛn fɔ de tek kia ɔf di lamp. I fɔ layt frɔm ivintɛm te mɔnin. Dɛn fɔ put am insay di tɛnt bifo di Kɔvinant Bɔks. Di Izrɛlayt dɛn fɔ de du dis ɛvri de ɛn i nɔ fɔ ɛva tap.

Di Nɔmba Dɛm 16:46

Dɔn Mozis tɛl Erɔn mek i tek in pɔt fɔ bɔn insɛns, put insɛns insay wit faya we kɔmɔt na di ɔlta ɛn rɔn go to di pipul dɛn go beg PAPA GƆD fɔ padin dɛn sin. I tɛl am se PAPA GƆD dɔn bigin fɔ sho aw i vɛks ɛn bad bad sik dɔn bigin we go kil di pipul dɛn.

Lɛvitikɔs 24:3

Bifo di klos we ɛŋ na di ples we oli pas ɔl we ayd di Ak ɔf Di Kɔvinant, Erɔn fɔ mek shɔ se di lamp dɛn de bɔn ɔl di tɛm we dɛn fɔ bɔn; na tin dis we na lɔ ɛn i fɔ bi na ɔl di jɛnareshɔn.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Fɔs Lɛta To Timoti 1:18

Timoti, mi pikin, a de fala dɛn mɛsej we Gɔd bin gi dɛn prɔfɛt bɔt yu, so dat wɛn yu yɛri dɛn yu go gɛt di maynd fɔ fɛt dis gud fɛt; dat na fɔ tap dɛn ticha we nɔ de lan pipul di tru tin. Na di wok dis we a gi yu fɔ du.

Zɛkaraya 10:3

PAPA GƆD se i dɔn vɛks wit ɔl di lida dɛn ɛn i go pɔnish di lida dɛn. PAPA GƆD Ɔlmayti in de luk afta in yon pipul dɛn, dat na di pipul dɛn na Juda fambul ɛn i go mek dɛn tan lɛk in ɔs dɛn we i de tek fɛt.

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

1 Kronikuls 24:5

Dɛn bin fɛnɔt to PAPA GƆD aw ɛn us pozishɔn fɔ put ɔlman, bikɔs ɔfisa dɛn de fɔ di oli ples ɛn ɔfisa dɛn de fɔ PAPA GƆD pan Ɛlieza ɛn Itham dɛn pikin dɛn.

1 Kronikuls 9:33

Na dɛn wan ya na di Siŋman dɛm, we na edman dɛn na dɛn na dɛn Papa dɛn os dɛn na di Livayt fambul, we tap na di rum dɛn na di tɛmpul, ɛn nɔ gɛt nɔn ɔda wok fɔ du pas fɔ de siŋ de ɛn nɛt.

1 Kronikuls 9:23

So na dɛn ɛn bɔypikin bin de inchaj na di get dɛm na PAPA GƆD in os; dat na di tɛnt os we dɛn na bin wachman dɛn.

1 Kronikuls 9:19

Na Shalum we na Kɔrɛ in bɔypikin, Kɔrɛ we na Ebiasaf in bɔypikin, ɛn Ebiasaf we na Kora in yon bɔypikin, ɛn in fambul dɛm we dɛn ɔl kɔmɔt nain Papa os, dat na di Koraayt dɛm, bin de inchaj ɔf ɔl di wokman dɛn, di domɔt dɛn fɔ go insay di tɛnt, jɛs lɛk aw dɛn papa dɛnsɛf bin de inchaj ɔf PAPA GƆD in getman dɛn kamp.

Di Nɔmba Dɛm 8:19

Pan ɔl di Izrɛlayt dɛn, na di Livayt dɛn a dɔn gi to Erɔn ɛn in bɔypikin dɛn as prɛzɛnt fɔ de ɛp wok na di Tɛnt fɔseka di Izrɛlayt dɛn. Dɛn fɔ de de so dat dɛn go de beg PAPA GƆD fɔ fɔgiv di Izrɛlayt dɛn sin so dat bad sik nɔ go kech ɛniwan pan dɛn we go mistek go nia di oli ples usay PAPA GƆD de.

Di Nɔmba Dɛm 8:2

wɛn i put di sɛvin lamp na dɛn ples, dɛn fɔ layt di eria we de bifo dɛn.

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Di Nɔmba Dɛm 18:4

Dɛn fɔ jɔyn an wit una fɔ wok ɛn tek kia ɔf di Tɛnt usay wi kin mit. Nɔbɔdi igen nɔ fɔ kam nia usay una de.

Izikɛl 44:16

Dɛn go go insay di ples we dɛn de pre to mi, ɛn dɛn go go to mi tebul, fɔ minista to mi, ɛn dɛn go kip mi kɔmand.

Di Nɔmba Dɛm 1:50

bifo dat, i fɔ pik sɔm pan dɛn we go de inchaj ɔf di tɛnt we PAPA GƆD fɔ de, fɔ mek dɛn tek kia ɔf ɔltin we de insay de. Dɛn sɔpoz fɔ tot di tɛnt, wit ɔl wetin de insay am; tek gud kia ɔf am ɛn bil dɛn tɛnt dɛn rawnd am.

Di Nɔmba Dɛm 4:18

fɔ mek shɔ se di Livayt dɛn we kɔmɔt na Koath in famili nɔ day lɛf di ɔda Livayt dɛn.

1 Kronikuls 23:24

Na Livay in bɔypikin dɛn, dɛn wan ya bay dɛn papa dɛn os dɛn, ɛn bay di big wan dɛn na dɛn fɔstɛmpapa dɛn os dɛn, na dɛn dɛn bin rɛjista bay dɛn nem ɛn bay dɛn ɔmɔs we de na di famili, frɔm twɛnti ia go ɔp, we bin ebul du PAPA GƆD in wok nain os.

1 Kronikuls 23:32

Na so dɛn fɔ tek kia ɔf di tɛnt we dɛn de mit wit PAPA GƆD, ɛn di oli ples, ɛn dɛn go de ɛp Erɔn in bɔypikin dɛn fɔ du di wok na PAPA GƆD in os.

Izikɛl 44:15

Bɔt di Levitikal man dɛn we de mek sakrifays fɔ pipul sin, Zedɔk in bɔypikin dɛm we bin de kia fɔ mi ples we dɛn de pre to mi wɛn di Izrɛl pipul bin go astre frɔm mi, go kam nia mi fɔ minista to mi ɛn dɛn go atɛnd to mi fɔ ɔfa to mi di fat ɛn di blɔd, PAPA GƆD tɔk se;