Di Nɔmba Dɛm 18:26 - Krio Fɔs Oli Baybul

²⁶ “Wɛn dɛn gɛt di Izrɛlayt dɛn tayth we a gi dɛn as dɛn prɔpati, dɛnsɛf fɔ gi wan pat pan tɛn pat as dɛn yon tayth to PAPA GƆD.

Di Nɔmba Dɛm 18:26 Referans Kwoze

Nɛimaya 10:38

Wan pan dɛn man we de mek sakrifays fɔ pipul sin, we kɔmɔt na Erɔn in famili layn gɛt fɔ de wit di Livayt dɛn we dɛn de tek di tayth dɛn. Di Livayt dɛnsɛf fɔ gi wan pat pan tɛn pat pan di tayth we dɛn gɛda fɔ kip na di sto, na di trɛzhri, na PAPA GƆD in os.

Di Nɔmba Dɛm 18:21

PAPA GƆD se, “A go gi di Livayt dɛn ɔl di tayth dɛn na Izrɛl as dɛn yon prɔpati fɔ di wok we dɛn de du na di Tɛnt usay wi kin mit.

Di Ibru Pipul Dɛn 7:5

Di Lɔ we Gɔd gi Mozis tɔk bɔt dɛn Ju man we de mek sakrifays fɔ pipul sin, dat na Livay in grampikin pikin dɛm, we i se, di pipul dɛn na Izrɛl fɔ sheb wetin dɛn gɛt, tɛn pat, ɛn tek wan pat gi Livay in grampikin pikin dɛm we de mek sakrifays fɔ pipul sin. Dat min se dɛn kɔntri man bin de gi dɛn Ju man we de mek sakrifays fɔ pipul sin, wan pat, pan ɔl we dɛn ɔl na Ebraam in grampikin pikin dɛm.

Di Nɔmba Dɛm 18:25

PAPA GƆD tɛl Mozis se, fɔ tɛl di Livayt dɛn se,

Di Nɔmba Dɛm 18:27

Wetin dɛn de gi go tan lɛkɛ tin we dɛn gren ɔ jus to PAPA GƆD frɔm di tayth we di Izrɛlayt dɛn de gi.

Di Nɔmba Dɛm 15:21

Fɔ ɔl di jɛnareshɔn we nɔ bɔn yet, dɛn ɔl fɔ mek dis sakrifays to PAPA GƆD pan di fɔs flawa we dɛn mil.

Nɛimaya 10:39

Ɔl di Izrɛlayt dɛn wit di Livayt dɛnsɛf miks fɔ briŋ ɔl wetin dɛn de kɔntribyut, dat na gren, nyu wayn ɛn ɔyl, kam kip am na di sto usay dɛn kip dɛn ɔda tin dɛn we dɛn de yuz na PAPA GƆD in os ɛn usay di man dɛn we na dɛn tɔn fɔ mek sakrifays, di getman dɛn ɛn dɛn wan we di siŋ de. “Wi nɔ go fɔgɛt bɔt PAPA GƆD in os.”