Di Nɔmba Dɛm 18:24 - Krio Fɔs Oli Baybul

²⁴ Bifo dat a go gi di Livayt dɛn, di tayth we di Izrɛlayt dɛn de gi to PAPA GƆD as dɛn yon prɔpati. Na dat mek a se fɔ dɛn, dɛn nɔ go gɛt pan di prɔpati we di Izrɛlayt dɛn de sheb.

Di Nɔmba Dɛm 18:24 Referans Kwoze

Di Nɔmba Dɛm 18:26

“Wɛn dɛn gɛt di Izrɛlayt dɛn tayth we a gi dɛn as dɛn prɔpati, dɛnsɛf fɔ gi wan pat pan tɛn pat as dɛn yon tayth to PAPA GƆD.

Di Nɔmba Dɛm 18:25

PAPA GƆD tɛl Mozis se, fɔ tɛl di Livayt dɛn se,

Di Nɔmba Dɛm 26:62

Ɔl di man Livayt dɛn we bin dɔn ol wan mɔnt we dɛn kɔnt na 23,000. Dɛn nɔ bin miks dɛn we dɛn de kɔnt di ɔda Izrɛlayt bikɔs dɛn nɔ gɛt fɔ gɛt pan di prɔpati we dɛn de sheb.

Ditarɔnɔmi 10:9

Na dat mek PAPA GƆD nɔ bin gi di Livayt dɛn prɔpati we i bin de gi di ɔda fambul dɛn; na fɔ wok fɔ PAPA GƆD na dɛn yon prɔpati, ɛn na dat i bin dɔn tɛl Erɔn.

Ditarɔnɔmi 26:12

Mozis tɛl di Izrɛlayt dɛn se, we dɛn dɔn pe ɔl dɛn tayth we di ia fɔ pa tayth rich, dat na wan tɛnth pan di ɛvri tri ia avɛst, to di Livayt dɛn, di trenja dɛn, dɛn pikin dɛn we dɛn mami ɛn dadi dɔn day ɛn di uman dɛn we dɛn man dɔn day, fɔ lɛ dɛn it ɛn bɛlful usay dɛn de,

Lɛvitikɔs 27:30

I se ɔl wetin na tayth na di land, wɛda na plant we de gro insay di grɔn ɔ na frut, wans i kɔmɔt na di land, na PAPA GƆD yon; i oli to PAPA GƆD.

Jɔshwa 13:14

Mozis nɔ bin gi di Livay fambul land bikɔs PAPA GƆD bin dɔn se na wetin dɛn de gɛt we pipul dɛn mek sakrifays to in PAPA GƆD we na Izrɛl dɛn GƆD, na dɛn yon prɔpati we i gi dɛm.

Nɛimaya 10:38

Wan pan dɛn man we de mek sakrifays fɔ pipul sin, we kɔmɔt na Erɔn in famili layn gɛt fɔ de wit di Livayt dɛn we dɛn de tek di tayth dɛn. Di Livayt dɛnsɛf fɔ gi wan pat pan tɛn pat pan di tayth we dɛn gɛda fɔ kip na di sto, na di trɛzhri, na PAPA GƆD in os.

Nɛimaya 13:12

Ɔlman na Juda briŋ in tayth kam fɔ kip na di sto dɛn. Sɔm na gren, sɔm na nyu wayn dɔn sɔm na ɔyl.