Di Nɔmba Dɛm 18:21 - Krio Fɔs Oli Baybul

²¹ PAPA GƆD se, “A go gi di Livayt dɛn ɔl di tayth dɛn na Izrɛl as dɛn yon prɔpati fɔ di wok we dɛn de du na di Tɛnt usay wi kin mit.

Di Nɔmba Dɛm 18:21 Referans Kwoze

Nɛimaya 12:44

Da sem tɛm de, dɛn pik man dɛn we go de inchaj ɔf di sto dɛn we dɛn kip di kɔntribyushɔn dɛn, dɛn fɔs tin dɛn we dɛn avɛst ɛn dɛn tayth dɛn. Dɛn bin sɔpoz fɔ de briŋ di pat we dɛn man we de mek sakrifays fɔ pipul sin ɛn dɛn Livayt dɛn fɔ gɛt. Na so di lɔ se. Juda in fambul dɛn bin gladi wit dɛn man we de mek sakrifays fɔ pipul sin ɛn dɛn Livayt dɛn.

Nɛimaya 10:37

“Pantap dat, we go kip sɔm tin dɛn na di sto we de na PAPA GƆD in os. Wi go briŋ flawa, sɔm gren fɔ ɔfrin, frut dɛn we kɔmɔt pan ɔl dɛn tik, nyu wayn ɛn ɔyl. Wi go de gi wi tayth pan di tin dɛn we wi plant to di Livayt dɛn as na dɛn rɛspɔnsibul fɔ gɛda am no ɔl di siti dɛn we wi de wok.”

Di Ibru Pipul Dɛn 7:5

Di Lɔ we Gɔd gi Mozis tɔk bɔt dɛn Ju man we de mek sakrifays fɔ pipul sin, dat na Livay in grampikin pikin dɛm, we i se, di pipul dɛn na Izrɛl fɔ sheb wetin dɛn gɛt, tɛn pat, ɛn tek wan pat gi Livay in grampikin pikin dɛm we de mek sakrifays fɔ pipul sin. Dat min se dɛn kɔntri man bin de gi dɛn Ju man we de mek sakrifays fɔ pipul sin, wan pat, pan ɔl we dɛn ɔl na Ebraam in grampikin pikin dɛm.

Lɛta Fɔ Galeshya 6:6

Di pɔsin we dɛn de lan Gɔd in wɔd, fɔ gi di pɔsin we de lan am sɔntin we go ɛp am.

Nɛimaya 13:12

Ɔlman na Juda briŋ in tayth kam fɔ kip na di sto dɛn. Sɔm na gren, sɔm na nyu wayn dɔn sɔm na ɔyl.

Nɛimaya 10:29

ɔl jɔyn dɛn aristo. Dɔn dɛn ɔl tay dɛnsɛf ɛn se swɛ go de pan dɛn if dɛn nɔ fala wetin PAPA GƆD in lɔ, we i bin gi in savant Mozis, se. Dɛn se dɛn go mek shɔ se dɛn go biev aw dɛn fɔ biev ɛn du ɔl wetin PAPA GƆD we na wi Gɔd dɔn se na da lɔ de.

2 Kronikuls 31:12

Ɛn dɛn briŋ ɔl di kɔntribyushɔn dɛm di faith ɛn di prɛzɛnt dɛn we dɛdkate go insay kɔrɛkt wan. Di chif ɔfisa we nain rɛspɔnsibul fɔ dɛm na konanaya di Livayt wit Shimɛi in brɔda na as in sɛkɛn man,

Di Nɔmba Dɛm 18:6

Na mi dɔn pik yu kɔmpin Livayt dɛn pan ɔl di Izrɛlayt dɛn fɔ de de wit yu as mi prɛzɛnt to yu fɔ mek dɛn de wok na di Tɛnt usay wi kin mit ɛn gi dɛnsɛf to PAPA GƆD.

Jɛnɛsis 14:20

Lɛ wi prez PAPA GƆD we pas ɔl we dɔn mek yu bit yu ɛnimi dɛn!” Ebram sheb ɔl di tin dɛn we di ɛnimi bin dɔn lut tɛn pat. Ɛn i gi Mɛlkizidɛk wan pat.

Di Nɔmba Dɛm 31:28

Pan wetin di wan dɛn we go fɛt fɔ gɛt, put wan pan ɛni fayv ɔndrɛd wansay fɔ PAPA GƆD, wɛda na mɔtalman, ɔ na kaw, ɔ na ship ɔ na got ɔ dɔŋki.

Ditarɔnɔmi 18:8

I se di Izrɛlayt dɛn fɔ gi dɛnsɛf ɔl wetin dɛn de gi di wan dɛn we bin dɔn de wok, ɛn dat nɔ miks pan wetin dɛn yon pipul dɛn go de sɛn fɔ dɛn we dɛn go sɛl dɛn prɔpati dɛn.

Nɛimaya 12:47

So, naw, we Zɛrubabɛl ɛn Nɛimaya de, ɔlman na Izrɛl de kɔntribyut fɔ lɛ di wan dɛn we de siŋ ɛn di getman dɛn gɛt wetin dɛn de it ɛvride. Dɛn kin kip sɔm fɔ di Livayt dɛn, na kɔna, dɔn di Livayt dɛn kin kip Erɔn in jɛnareshɔn dɛn yon na kɔna.

Nɛimaya 13:5

so i bin dɔn gi am wan pan di big rum dɛn we dɛn bin de kip gren we pipul kin gi as ɔfrin ɛn insɛns ɛn dɛn tin dɛn we dɛn de yuz na PAPA GƆD in os ɛn dɛn gren, nyu wayn ɛn ɔyl we dɛn tayth lɛkɛ aw dɛn fɔ du fɔ dɛn Livayt, dɛn wan dɛn we de siŋ ɛn di gɛt man dɛn, plɔs di kɔntribyushɔn dɛn fɔ dɛn man we de mek sakrifays fɔ pipul sin.

Malakay 2:4

Dat tɛm de, dɛn go no se nain, PAPA GƆD Ɔlmayti sɛn mɛsej to dɛn bikɔs in nɔ wan brok di Kɔvinant we i bin mek wit Livay.

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Jɛnɛsis 47:24

We di tɛm rich fɔ avɛst wetin dɛn plant, dɛn fɔ sheb am fayv pat ɛn wan pat go bi di kiŋ in yon. Di wan we lɛf dɛn go kip sɔm fɔ plant ɛn yuz di balans fɔ dɛnsɛf ɛn dɛn fambul dɛn.

Jɛnɛsis 47:26

So Josɛf pas lɔ bɔt land biznɛs na Ijipt we de te tide. Di lɔ se ɔlman fɔ sheb in avɛst fayv pat ɛn wan pat fɔ go to di kiŋ. Bɔt bikɔs di kiŋ nɔ bin tek di man dɛn we de tɔk to PAPA GƆD fɔ dɛn, dɛn nɔ bin gɛt fɔ pe ɛn taks land.

Di Nɔmba Dɛm 3:6

i fɔ kɛr ɔlman na Livay in fambul layn go to Erɔn fɔ mek dɛn de ɛp Erɔn.

Nɛimaya 10:38

Wan pan dɛn man we de mek sakrifays fɔ pipul sin, we kɔmɔt na Erɔn in famili layn gɛt fɔ de wit di Livayt dɛn we dɛn de tek di tayth dɛn. Di Livayt dɛnsɛf fɔ gi wan pat pan tɛn pat pan di tayth we dɛn gɛda fɔ kip na di sto, na di trɛzhri, na PAPA GƆD in os.