Di Nɔmba Dɛm 18:20 - Krio Fɔs Oli Baybul

²⁰ PAPA GƆD tɛl Erɔn se “Yu nɔ go gɛt pan di land we dɛn de sheb ɛn yu nɔ go gɛt pan ɛnitin. Pan ɔl di Izrɛlayt dɛn, na mi na yu yon, mi na yu prɔpati.

Di Nɔmba Dɛm 18:20 Referans Kwoze

Izikɛl 44:28

“Dɛn nɔ go gɛt ɛni prɔpati; na mi na dɛn prɔpati: ɛn yu nɔ go gi dɛm ɛni land na Izrɛl; na mi na dɛn land.

Ditarɔnɔmi 10:9

Na dat mek PAPA GƆD nɔ bin gi di Livayt dɛn prɔpati we i bin de gi di ɔda fambul dɛn; na fɔ wok fɔ PAPA GƆD na dɛn yon prɔpati, ɛn na dat i bin dɔn tɛl Erɔn.

Jɔshwa 13:33

Mozis nɔ bin gi di Livay fambul land bikɔs PAPA GƆD bin dɔn se na wetin dɛn de gɛt we pipul dɛn mek sakrifays to in PAPA GƆD we na Izrɛl dɛn PAPA GƆD na dɛn yon prɔpati we i gi dɛn.

Lamɛnteshɔn 3:24

Mi sol se, “na PAPA GƆD a gɛt, so nain nɔmɔ a go abop pan.”

Jɔshwa 14:3

Mozis bin ɔlrɛdi dɔn gi land oba Riva Jɔdan to tu ɛn af fambul, bɔt i nɔ gi di Livay fambul natin pan di land.

Ditarɔnɔmi 14:27

Mozis wɔn dɛn lɛ dɛn nɔ fɔgɛt fɔ de du gud to di Livayt dɛn we de na dɛn difrɛn siti, bikɔs dɛn nɔ gɛt land fɔ dɛnsɛf.

Ditarɔnɔmi 12:12

Mozis tɛl dɛn se na de dɛn fɔ sɛlibret ɛn tɛl PAPA GƆD we na dɛn PAPA GƆD tɛnki; dɛn ɛn dɛn bɔy ɛn gyal pikin dɛn, dɛn wokman ɛn wokuman dɛn ɛn di Livayt dɛn we de na dɛn siti, as dɛn nɔ bin gɛt land fɔ dɛnsɛf.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Di Sam Dɛm 142:5

PAPA GƆD, na yu a de pre to; A se “Na yu de kɔba mi, a nɔ want natin igen na layf, pas yu.

Di Sam Dɛm 16:5

PAPA GƆD, yu dɔn gi mi wetin a want ɛn mi layf de na yu an.

Jɔshwa 18:7

Jɔshwa mek an klia to dɛn se di Livay fambul nɔ gɛt pan di land bikɔs na dɛn PAPA GƆD dɔn pik fɔ sav am. I se di Gad fambul, di Rubɛn fambul ɛn af pan di Manasɛ fambul dɛn dɔn gɛt dɛn yon land na di ist pat oba Riva Jɔdan we Mozis bin dɔn gi dɛn.

Di Sam Dɛm 73:26

Mi at kin pwɛl, mi bɔdi sik, bɔt na PAPA GƆD de gi mi trɛnk; ɛn nain na mi yon sote go.

Ditarɔnɔmi 14:29

so dat di Livayt we dɛn nɔ gɛt land, di trenja dɛn, di pikin dɛn we dɛn mami ɛn dadi dɛn dɔn day ɛn di uman dɛn we dɛn man dɛn dɔn day, go go de lɛ dɛn gi dɛn tin dɛn we dɛn go de it. We dɛn gɛt it fɔ mek dɛn bɛlful, PAPA GƆD we na dɛn PAPA GƆD go gladi ɛn i go blɛs ɔltin we dɛn put an pan.

Di Nɔmba Dɛm 26:62

Ɔl di man Livayt dɛn we bin dɔn ol wan mɔnt we dɛn kɔnt na 23,000. Dɛn nɔ bin miks dɛn we dɛn de kɔnt di ɔda Izrɛlayt bikɔs dɛn nɔ gɛt fɔ gɛt pan di prɔpati we dɛn de sheb.

Jɔshwa 13:14

Mozis nɔ bin gi di Livay fambul land bikɔs PAPA GƆD bin dɔn se na wetin dɛn de gɛt we pipul dɛn mek sakrifays to in PAPA GƆD we na Izrɛl dɛn GƆD, na dɛn yon prɔpati we i gi dɛm.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.