Di Nɔmba Dɛm 18:19 - Krio Fɔs Oli Baybul

¹⁹ “Ɛnitin we dɛn put wansay pan wetin di Izrɛlayt dɛn de gi as sakrifays we oli to PAPA GƆD na yu, yu bɔy ɛn gyal pikin dɛn yon te go. Dis na Kɔvinant we a de mek wit yu ɛn yu fɔ kip am sote go lɛkɛ aw sɔl di kip tin dɛn nɔ fɔ pwɛl to ivin yu pikin dɛn we nɔ bɔn yet.

Di Nɔmba Dɛm 18:19 Referans Kwoze

2 Kronikuls 13:5

Una nɔ no se PAPA GƆD wa na Izrɛl dɛn Gɔd bin dɔn gi di Izrɛl tron to Devid ɛn in bɔypikin dɛm insay wan sɔl Kɔvinant so te go?

Di Nɔmba Dɛm 18:11

Ɛnitin we dɛn put wansay fɔ wev as sakrifays fɔ di Izrɛlayt dɛn, na una yon. A gi yu, yu bɔy ɛn gyal pikin dɛn as una yon te go. Ɛnibɔdi we tap na yu os, wans i klin na PAPA GƆD in yay, fɔ it pan am.

Lɛvitikɔs 2:13

Una fɔ put sɔl pan ɔl di sid ɔfrin dɛn. Una nɔ fɔ mek di sɔl na una Kɔvinant lɔs pan di pap flawa; sɔl fɔ de pan ɔl di ɔfrin dɛn we una de mek.

2 Kronikuls 31:4

Ɛn i kɔmand di pipul dɛn we tap na Jerusɛlɛm ɛn fɔ gi di man we de mek sakrifays fɔ pipul sin ɛn di Livayt dɛm dɛn rayt mek dɛn go gi dɛnsɛf to PAPA GƆD in Lɔ.

Ditarɔnɔmi 12:6

Na de dɛn go de mek ɔl dɛn sakrifays dɛn fɔ bɔn na faya to PAPA GƆD. Ɔda sakrifays dɛn, dɛn tayth di sakrifays we dɛn fɔ gi wit dɛn yon an, di wan we dɛn bin dɔn prɔmis se dɛn go de gi PAPA GƆD, di wan we na dɛnsɛf go fil na dɛn at fɔ gi PAPA GƆD, ɛn di fɔs pikin we dɛn ship ɛn kaw go bɔn.

Di Nɔmba Dɛm 31:41

Mozis gi di wan dɛn we na fɔ PAPA GƆD to Ɛlieza we na di man we de mek sakrifays fɔ pipul sin lɛk aw PAPA GƆD bin tɛl am.

Di Nɔmba Dɛm 31:29

Tek pan di af we dɛn fɔ gɛt gi Ɛlieza we na di man we de mek sakrifays fɔ pipul sin wetin fɔ bi PAPA GƆD in yon.

Di Nɔmba Dɛm 18:8

Dɛn PAPA GƆD tɛl Erɔn se, “Na misɛf sɛf dɔn mek yu fɔ bi bɔs oba ɔl wetin pipul dɛn de gi mi as sakrifays, ɔl di tin dɛn we dɛn de gi mi, a de gi sɔm bak to yu ɛn yu bɔypikin dɛn as una yon te go. Una fɔ tek sɔm pan di oli tin dɛn we nɔ de go na faya.

Lɛvitikɔs 7:14

Pan dɛn ɔl, i fɔ pul wan wan we i go gi to PAPA GƆD; na di man we de mek sakrifays fɔ pipul sin, we de dyuti, we sprinkul di blɔd fɔ di pis ɔfrin go gɛt am.

Ditarɔnɔmi 12:26

I tɛl dɛn se lɛ dɛn nɔ fɔgɛt fɔ de go mek dɛn sakrifays dɛn to PAPA GƆD na di ples we i go pik, ɛn dɛn fɔ kɛr di tin dɛn we dɛn bin dɔn prɔmis se dɛn go de go gi PAPA GƆD,

2 Kiŋ 12:16

Di mɔni we dɛn bin de gɛda to dɛn wan we de go mek sakrifays fɔ dɛn sin nɔ bin de go insay di bɔks, i bin de go to di man dɛn we de mek sakrifays fɔ pipul sin.

Izikɛl 43:24

Yu go prɛzɛnt dɛm bifo PAPA GƆD, ɛn di man dɛn we de mek sakrifays fɔ pipul sin go sprinkul sɔl pan dɛm ɛn ɔfa dɛn fɔ ɔfrin we na fɔ bɔn, to PAPA GƆD.

Ɛksodɔs 29:27

“Di ship in chɛst ɛn in lɛg pat fɔ bi spɛshal gift to mi fɔs bifo yu go gi dɛn to di man dɛn we de mek sakrifays fɔ pipul sin. Erɔn in fɔ gɛt di chɛst dɔn in bɔypikin dɛn fɔ gɛt di lɛg.

Lɛvitikɔs 21:22

I kin it pan it we dɛn de gi PAPA GƆD, dat na ɔl di it we oli,