Di Nɔmba Dɛm 18:16 - Krio Fɔs Oli Baybul

¹⁶ Wɛn ɛniwan pan dɛn ol wan mɔnt, una fɔ tek tu awns silva fɔ bay dɛn bak dɛn. Da tu awns de fɔ bi lɛkɛ di wet we dɛn de yuz na di Tɛnt.

Di Nɔmba Dɛm 18:16 Referans Kwoze

Ɛksodɔs 30:13

Na dis kayn pemɛnt ɛnibɔdi we dɛn kɔnt fɔ gi; af shɛkɛl, ɛn di mɛnzhɔmɛnt fɔ bi di wan we dɛn de yuz na di say we una de wɔship. Na dis ɔlman fɔ pe to mi.

Di Nɔmba Dɛm 3:47

Fɔ ich wan, dɛn fɔ pe tu awns silva,

Izikɛl 45:12

Di shɛkɛl go bi twɛnti gɛra; fayv shɛkɛl go bi fayv shɛkɛl ɛn tɛn shɛkɛl go bi tɛn shɛkɛl ɛn una mina go bi fifti shɛkɛl.

Lɛvitikɔs 27:25

Ɛn in valyu fɔ tan lɛk di shɛkɛl silva in wet we dɛn de yuz na di sankchwari. Na twɛnti gira mek wan sankchwari shɛkɛl.

Ɛksodɔs 38:24

Ɔl ɛn ɔl di gold we dɛn yuz fɔ mek di Tɛnt nɔmɔ na tu tawzin, wan ɔndrɛd ɛn naynti-fayv pawns, ɛn na di mɛzhɔmɛnt we dɛn bin de yuz da tɛm de dɛn tek we am.

Di Nɔmba Dɛm 3:46

Di nɔmba we dɛn kɔnt 273 pas ɔmɔs Livayt de so dɛn kin pe sɔntin fɔ ɛkschenj dɛn.

Di Nɔmba Dɛm 18:15

“Di fɔs pikin wɛda na mɔtalman bɔn am ɔ na animal bɔn am, we dɛn gi PAPA GƆD na una yon. Bɔt di pipul dɛn fɔ gi sɔntin fɔ bay bak di fɔs pikin we na man we ɛni mɔtalman ɔ animal we nɔ klin na PAPA GƆD in yay bɔn.

Di Nɔmba Dɛm 18:17

Una nɔ fɔ bay di fɔs kaw pikin, di fɔs ship pikin ɔ di fɔs got pikin dɛn bak, bikɔs dɛn oli. Una fɔ sprinkul dɛn blɔd na di ɔlta ɛn bɔn dɛn fat na faya so dat i go pul sɛnt we go mek PAPA GƆD gladi.