Di Nɔmba Dɛm 18:13 - Krio Fɔs Oli Baybul

¹³ Na una gɛt ɔl wetin dɛn de avɛst na di land we dɛn de briŋ to PAPA GƆD. Ɛnibɔdi we tap na yu os, wans i klin na PAPA GƆD in yay fɔ it de.

Di Nɔmba Dɛm 18:13 Referans Kwoze

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

Ozie 9:10

PAPA GƆD se lɛk aw greps go gro na di ɛmti land we pɔsin nɔ go ebul tap, na so Izrɛl bin tan we i fɛn am. Ɛn lɛk aw di fɔs frut na fig tik kin rɔtin di fɔs tɛm we i bɔn, na so i bin si dɛn fɔstɛm-papa dɛn. Bɔt na so dɛnsɛf bin go na Mawnt Peɔ, go nɔnsɛns dɛnsɛf ɛn gi dɛnsɛf to Beal we mek PAPA GƆD et dɛn bad bad wan

Jɛrimaya 24:2

Wan baskit gɛt gud gud fignɔt, lɛk di fɔs fignɔt dɛn we kin rɛp, bɔt insay di ɔda baskit, na fignɔt dɛn we nɔ gud de de. Dɛn so pwɛl dat pɔsin nɔ go ebul it dɛm.

Ɛksodɔs 23:19

Na di bɛst pat pan wetin una avɛst na una gadin una fɔ briŋ kam to mi PAPA GƆD una PAPA GƆD as sakrifays. Una nɔ kuk got pikin we de sɔk bɔbi.

Ɛksodɔs 34:26

Una fɔ briŋ di fɔs tin we una avɛst na una fam ɛvri ia to una PAPA GƆD PAPA GƆD in os. Nɔ kil yɔŋ got ɔ ship we de sɔkul ɛn it am wit in milk.”

Ditarɔnɔmi 26:2

dɛn fɔ put di fɔs frut dɛn we dɛn go pik na di difrɛn kayn frut tik dɛn, na blay, ɛn kɛr dɛn go na di ples we PAPA GƆD we na dɛn PAPA GƆD, go pik fɔ de mek sakrifays to am ɛn wɔship am.

Izikɛl 44:30

Ɛn di fɔs wan pan ɔl di fɔs frut dɛn, ɔl kayn, ɛn ɔl ɔfrin, ɔlkayn, pan ɔl una ɔfrin dɛn, go blant di man we de mek sakrifays fɔ pipul sin dɛm; sɛf una go gi di fɔs pat pan una kos mil to di man we de mek sakrifays fɔ pipul sin dɛm so dat blɛsin go lɛf na una os.

Lɛvitikɔs 22:7

Wans san dɔn go dɔŋ, i klin na PAPA GƆD yay so i kin it pan di oli tin dɛn, bikɔs na dɛn we na man dɛn we de mek sakrifays fɔ pipul sin gɛt di it.

Lɛvitikɔs 23:17

Fɔ pul tu lof bred we dɛn mek wit sikstin kɔp fayn flawa ɛn we dɛn bek wit yist kɔmɔt ɛnisay we dɛn de, so dat di man we de mek sakrifays fɔ pipul sin go gi am as spɛshal prɛzɛnt to PAPA GƆD as di fɔs tin we dɛn avɛst.

Ditarɔnɔmi 18:4

I se dɛn fɔ gi dɛn di fɔs pat pan di tin dɛn we dɛn avɛst na dɛn fam, di wayn, di ɔyl ɛn di ship dɛn ia we dɛn go dɔn krep.

2 Kiŋ 4:42

Wan man we kɔmɔt na Beal Shalisha kɛr twɛnti lof bred we dɛn bek wit kɔn flawa we dɛn jɛs avɛst wit frɛsh kɔn to Ilaɛlsha. Ilaɛlsha tɛl am se lɛ i gi di pipul dɛn lɛ dɛn it.

2 Kronikuls 31:5

As di kɔmand skata ɔlsay wan tɛm wan tɛm di pipul dɛn gi dɛn fɔs put bɔku bɔku wan, bɔlgɔ, wayn, ɔyl, ɔni ɛn ɔl wetin kin kɔmɔt na dɛn fam. Ɛn dɛn briŋ ɔltin in tayth kam bɔku bɔku wan