Di Nɔmba Dɛm 18:11 - Krio Fɔs Oli Baybul

¹¹ Ɛnitin we dɛn put wansay fɔ wev as sakrifays fɔ di Izrɛlayt dɛn, na una yon. A gi yu, yu bɔy ɛn gyal pikin dɛn as una yon te go. Ɛnibɔdi we tap na yu os, wans i klin na PAPA GƆD in yay, fɔ it pan am.

Di Nɔmba Dɛm 18:11 Referans Kwoze

Ditarɔnɔmi 18:3

I se na dɛn tin dɛn de di man dɛn we de mek sakrifays fɔ pipul sin dɛn go de gɛt pan, we pipul dɛn go de mek sakrifays. Wɛda na man kaw ɔ na ship, di pipul dɛn fɔ gi dɛn di sholda, di tu jabon ɛn di gɔt.

Lɛvitikɔs 10:14

Bɔt dɛn ɛn dɛn famili wɛda man ɔ uman, kin it di chɛst ɛn di lɛg we dɛn bin gi PAPA GƆD as spɛshal prɛzɛnt na ɛnisay we klin na PAPA GƆD yay, bikɔs na dɛn yon we dɛn fɔ gɛt pan di pis ɔfrin dɛn we di Izrɛlayt dɛn gi.

Di Nɔmba Dɛm 18:8

Dɛn PAPA GƆD tɛl Erɔn se, “Na misɛf sɛf dɔn mek yu fɔ bi bɔs oba ɔl wetin pipul dɛn de gi mi as sakrifays, ɔl di tin dɛn we dɛn de gi mi, a de gi sɔm bak to yu ɛn yu bɔypikin dɛn as una yon te go. Una fɔ tek sɔm pan di oli tin dɛn we nɔ de go na faya.

Lɛvitikɔs 7:14

Pan dɛn ɔl, i fɔ pul wan wan we i go gi to PAPA GƆD; na di man we de mek sakrifays fɔ pipul sin, we de dyuti, we sprinkul di blɔd fɔ di pis ɔfrin go gɛt am.

Di Nɔmba Dɛm 18:1

PAPA GƆD tɔk to Erɔn. I se, “Na yu ɛn yu bɔypikin dɛn ɛn yu papa in fambul dɛn rɛspɔnsibul fɔ ɛnitin we go rɔŋ insay di Tɛnt dɔn na yu ɛn yu bɔypikin dɛn rɛspɔnsibul fɔ ɛnitin we go ambɔg di wok bikɔs una na di man dɛn we de mek sakrifays fɔ pipul sin.

Di Nɔmba Dɛm 18:10

It dɛn lɛkɛ tin we oli. Ɔl di man dɛn fɔ it de bɔt una fɔ mɛmba se i oli.

Di Nɔmba Dɛm 18:19

“Ɛnitin we dɛn put wansay pan wetin di Izrɛlayt dɛn de gi as sakrifays we oli to PAPA GƆD na yu, yu bɔy ɛn gyal pikin dɛn yon te go. Dis na Kɔvinant we a de mek wit yu ɛn yu fɔ kip am sote go lɛkɛ aw sɔl di kip tin dɛn nɔ fɔ pwɛl to ivin yu pikin dɛn we nɔ bɔn yet.