Di Nɔmba Dɛm 17:8 - Krio Fɔs Oli Baybul

⁸ Di nɛks de we Mozis go insay di Tɛnt, i si se Erɔn in wɔkinstik we tinap fɔ Livay fambul, nɔ jɛs pul flawa bɔt bia wetman baŋa.

Di Nɔmba Dɛm 17:8 Referans Kwoze

Izikɛl 17:24

Ɛn ɔl di tik dɛn na bush go no se na mi PAPA GƆD, de briŋ di ay tik kan dɔŋ, ɛn kɛr di tik we de dɔŋ go ɔp. Na mi de mek rɔ tik day, ɛn mek di dray tik frɛsh bak. Na mi PAPA GƆD dɔn tɔk am, ɛn a go du wetin a se.

Di Nɔmba Dɛm 17:5

Di man we a pik in wɔkinstik go pul flawa ɛn da tɛm de ɔl dis grɔmbul we dɛn de grɔmbul pan una go dɔn.

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Izikɛl 19:14

Ɛn faya we kɔmɔt pan di stɛm dɔn ɔl in an ɛn frut dɛn, so dat nɔn traŋa stɛm nɔ lɛf pan am, nɔn staf nɔ go de fɔ ɛni rula. Dis na wan sɔri siŋ, ɛn i dɔn bi wan sɔri siŋ.

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

Jɛnɛsis 40:10

Di tik gɛt tri branch dɛn pan am bɔt as di lif dɛn pan di tik bigin bɔs so, di flawa dɛnsɛf bigin bɔs fayn fayn wan dɔn i bigin bia bɔnch greps we rɛp wantɛm.

Di Ibru Pipul Dɛn 9:4

Insay da ples de dɛn bin gɛt smɔl gold tebul we dɛn bin de bɔn insɛns we gɛt fayn smɛl. Di bɔks we di agrimɛnt we Gɔd mek wit mɔtalman de, bin de insay dis sem ples ya. Gold bin kɔba di wan ol bɔks. Insay di bɔks dɛn bin de kip wan gold pɔt we dɛn kin put da tin we dɛn kɔl mana we Gɔd bin de gi dɛn fɔ it. Erɔn in wɔkin stik we lif gro pan, ɛn dɛn tu ston we Gɔd bin rayt in lɔ dɛn pan, dɛnsɛf bin lib de.

Izikɛl 19:12

Bɔt dɛn bin rut di greps tik kɔmɔt we dɛn bin vɛks, ɛn trowe an kan dɔŋ na grɔn; di briz we de blo kɔmɔt na di ist bin mek i dray; dɛn pul ɔl in frut dɛn kɔmɔt pan am, in traŋa stɛm bin wida; faya bɔn am ɔltogɛda.

Sɔlɔmɔn In Siŋ Dɛm 2:3

Lɛkɛ apul tik na bush, na so mi man we a lɛk fɔ tru, kin tan we i de wit dɛn ɔda yɔŋman dɛn. I de swit mi we a sidɔm nain shado, ɛn in frut swit so na mi mɔt.

Di Nɔmba Dɛm 16:5

tɛl Kora wit in gɛŋ se bay mɔnin PAPA GƆD go lɛ dɛn no udat na udat, we min se PAPA GƆD go sho dɛn udat nain yon ɛn udat oli. I tɛl dɛn se na da pɔsin de PAPA GƆD go drɔ klos am.

Di Nɔmba Dɛm 17:9

Dɛn Mozis pul ɔl di wɔkinstik dɛn usay PAPA GƆD de ɛn briŋ dɛn na do to di Izrɛlayt dɛn. Dɛn luk di wɔkinstik dɛn ɛn ɔlman tek in yon.