Di Nɔmba Dɛm 16:9 - Krio Fɔs Oli Baybul

⁹ I se dɛn we na Livayt dɛn fɔ mɛmba se di PAPA GƆD na Izrɛl dɔn pul dɛn kɔmɔt frɔm di ɔda Izrɛlayt dɛn. I se if dat nɔ du fɔ dɛn. I mɛmba dɛn igen se PAPA GƆD put dɛn klos am so dat dɛn go de du PAPA GƆD in wok nain os ɛn tinap frɔnt ɔlman fɔ ɛp dɛn wit wetin dɛn wan du na PAPA GƆD in os.

Di Nɔmba Dɛm 16:9 Referans Kwoze

Ayzaya 7:13

Nain i se, “Una lisin o, una we de na Devid in os. Di ambɔg we una de ambɔg mɔtalman nɔ du, pas una go ambɔg mi Gɔd insɛf?

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Nɛimaya 12:44

Da sem tɛm de, dɛn pik man dɛn we go de inchaj ɔf di sto dɛn we dɛn kip di kɔntribyushɔn dɛn, dɛn fɔs tin dɛn we dɛn avɛst ɛn dɛn tayth dɛn. Dɛn bin sɔpoz fɔ de briŋ di pat we dɛn man we de mek sakrifays fɔ pipul sin ɛn dɛn Livayt dɛn fɔ gɛt. Na so di lɔ se. Juda in fambul dɛn bin gladi wit dɛn man we de mek sakrifays fɔ pipul sin ɛn dɛn Livayt dɛn.

1 Samiɛl 18:23

Dɛnsɛf go tɛl Devid dɛn sem tin de bɔt Devid aks dɛn if dɛn tink se fɔ bi di kiŋ in sɔnɛnlɔ na smɔl tin. I se in na po poman ɛn bɛtɛ pipul nɔ sabi am sɛf.

Di Nɔmba Dɛm 16:13

Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.

Di Nɔmba Dɛm 3:6

i fɔ kɛr ɔlman na Livay in fambul layn go to Erɔn fɔ mek dɛn de ɛp Erɔn.

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Izikɛl 34:18

I nɔ du fɔ una fɔ fid pan di rich gras nɔmɔ, bɔt una fɔ mas mas dɔŋ wit una fut dɛn di balans we lɛf pan una gras; ɛn fɔ drink pan di klin wata, una fɔ dɔti di balans wit una fut?

2 Kronikuls 35:3

Ɛn i tɛl di Livayt dɛm we de tich ɔlman na Izrɛl ɛn we oli to Gɔd. “Put di Kɔvinant bɔks na di os we Sɔlɔmɔn, we na Devid in bɔypikin ɛn Izrɛl in kiŋ bil, so una nɔ gɛt fɔ tot am igen na una sholda. Naw una sav PAPA GƆD una Gɔd ɛn in pipul we na Izrɛl.

2 Samiɛl 7:19

PAPA GƆD, i tan lɛk wetin yu dɔn du nɔ du fɔ yu, yu tɔk bɔt tin dɛn we yu go gɛt fɔ du bambay. PAPA GƆD, yu go trit ɔdinari mɔtalman so?

Jɛnɛsis 30:15

Nain Lia ansa se, “Yu dɔn tek mi man dat nɔ du fɔ yu? Dɔn naw yu de tray fɔ tek mi bɔypikin in mandrek dɛn?” Rechɛl se, “A go mek Jekɔb slip to yu dis nɛt if yu mek yu pikin gi mi sɔm pan in mandrek dɛn.”

1 Kɔrint 4:3

Bɔt a nɔ wɔri if una ɔ ɛni ɔda pipul tink se mi na gud pɔsin ɔ mi na bad pɔsin, ɛn a nɔ de jɔj misɛf.

Apɔsul Dɛn Wok 13:2

Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Di Nɔmba Dɛm 3:9

PAPA GƆD tɛl Mozis se i fɔ gi di Livayt dɛn to Erɔn ɛn in bɔypikin dɛn; i se, na fɔ wok wit Erɔn ɛn in bɔypikin dɛn nɔmɔ dɛn fɔ de.

Di Nɔmba Dɛm 16:8

Mozis tɛl Kora se mek dɛn lisin to wetin i de se.

Izikɛl 44:16

Dɛn go go insay di ples we dɛn de pre to mi, ɛn dɛn go go to mi tebul, fɔ minista to mi, ɛn dɛn go kip mi kɔmand.