Di Nɔmba Dɛm 16:7 - Krio Fɔs Oli Baybul

⁷ dɔn di nɛks de dɛn fɔ put insɛns ɛn faya insay ɛn briŋ am to PAPA GƆD. I se di man we PAPA GƆD pik nain oli. Mozis insɛf tɛl di Livayt dɛn se, dɛn dɔn pasmak.

Di Nɔmba Dɛm 16:7 Referans Kwoze

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Di Nɔmba Dɛm 16:5

tɛl Kora wit in gɛŋ se bay mɔnin PAPA GƆD go lɛ dɛn no udat na udat, we min se PAPA GƆD go sho dɛn udat nain yon ɛn udat oli. I tɛl dɛn se na da pɔsin de PAPA GƆD go drɔ klos am.

Di Nɔmba Dɛm 16:6

I tɛl Kora ɛn in gɛŋ se dɛn ɔl fɔ tek dɛn pɔt we dɛn kin bɔn insɛns

Di Nɔmba Dɛm 16:8

Mozis tɛl Kora se mek dɛn lisin to wetin i de se.

Di Sam Dɛm 106:16

We dɛn de na kamp dɛn bigin jɛlɔs Mozis ɛn Erɔn we PAPA GƆD pik fɔ sav am.