Di Nɔmba Dɛm 16:5 - Krio Fɔs Oli Baybul

⁵ tɛl Kora wit in gɛŋ se bay mɔnin PAPA GƆD go lɛ dɛn no udat na udat, we min se PAPA GƆD go sho dɛn udat nain yon ɛn udat oli. I tɛl dɛn se na da pɔsin de PAPA GƆD go drɔ klos am.

Di Nɔmba Dɛm 16:5 Referans Kwoze

Di Sam Dɛm 65:4

I fayn fɔ di wan dɛn we yu pik fɔ de nia yu; Wi go gɛt ɔl di swit we de insay yu os, usay wi de wɔship yu.

Di Nɔmba Dɛm 17:5

Di man we a pik in wɔkinstik go pul flawa ɛn da tɛm de ɔl dis grɔmbul we dɛn de grɔmbul pan una go dɔn.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Apɔsul Dɛn Wok 22:14

I se, ‘Da Gɔd we wi grampapa papa dɛn bin de pre to dɔn pik yu fɔ mek yu no wetin i want yu fɔ du, ɛn mek yu go si di wangren Pɔsin we tret we de wok fɔ Gɔd, ɛn mek yu yɛri in vɔys wɛn i de tɔk to yu.

Apɔsul Dɛn Wok 13:2

Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Apɔsul Dɛn Wok 1:24

Dɛn pre se, “Masta, yu we sabi ɔlman at, duya, sho wi pan dɛn tu man ya, di pɔsin we yu dɔn pik

Apɔsul Dɛn Wok 1:2

sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Izikɛl 40:46

ɛn di rum we de luk nɔt na fɔ di man dɛn we de mek sakrifays fɔ pipul sin we de inchaj ɔf di ɔlta. Dɛn na Zedɔk in bɔypikin dɛn, ɛn na dɛn nɔmɔ pan bɔypikin dɛn we kɔmɔt na Livay in layn fɔ go nia PAPA GƆD fɔ go minista to am.

Di Sam Dɛm 105:26

I sɛn in savant Mozis, ɛn Erɔn we i pik go na Ijipt.

1 Samiɛl 2:28

I se, PAPA GƆD se i bin pik in papa fɔ bi man we de mek sakrifays fɔ pipul sin pan ɔl di fambul dɛn we bin de na Izrɛl. Nain papa i pik fɔ de go nain ɔlta, fɔ bɔn insɛns ɛn fɔ wɛr spɛshal klos usay i de. I se PAPA GƆD se i mek ɔl udat kɔmɔt na Ilaɛl in papa in os fɔ de gɛt ɔl di ɔfrin we bɔn na faya we di Izrɛlayt dɛn kin de mek.

Ɛksodɔs 28:1

PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Lɛta Fɔ Ɛfisɔs 2:13

Bɔt naw we una dɔn gɛt wanwɔd wit Jizɔs Krays, una we nɔ bin de klos Gɔd, di day we Krays day dɔn briŋ una klos Gɔd.

Apɔsul Dɛn Wok 15:7

Wɛn dɛn dɔn tɔk dɔn, nain Pita tinap fɔ tɔk. I se, “Mi pipul dɛn, una no se Gɔd bin dɔn pik mi lɔntɛm fɔ go tɛl dɛn pipul we nɔto Ju dis Gud Nyuz so dat dɛn go yɛri am ɛn biliv pan di Masta.

Lɛvitikɔs 8:2

mek i tek Erɔn ɛn in bɔypikin dɛn wit dɛn klos dɛn, ɛn di ɔyl we fɔ yuz fɔ anɔynt dɛn, ɛn di man kaw fɔ di sin ɔfrin, ɛn tu man ship wit wan blay ful wit bred we nɔ gɛt yist;

Ɛksodɔs 28:43

Erɔn ɛn in bɔypikin dɛn fɔ wɛr am we dɛn de go insay di tɛnt, ɔ wɛn dɛn de go nia di ɔlta fɔ pafɔm dɛn dyuti na di oli ples. If dɛn nɔ wɛr da drɔz de ɛn dɛn kam bifo mi nekɛd wan dɛn go day. Erɔn ɛn ɔl dɛn wan we go gɛt fɔ sav afta am nɔ fɔ brok dis lɔ.”

Di Nɔmba Dɛm 16:6

I tɛl Kora ɛn in gɛŋ se dɛn ɔl fɔ tek dɛn pɔt we dɛn kin bɔn insɛns

Di Nɔmba Dɛm 17:8

Di nɛks de we Mozis go insay di Tɛnt, i si se Erɔn in wɔkinstik we tinap fɔ Livay fambul, nɔ jɛs pul flawa bɔt bia wetman baŋa.

Jɛrimaya 30:21

Dɛn bigman go bi wan pan dɛm, dɛn rula go kɔmɔt pan dɛm; A go mek i kam nia mi, ɛn i go kam mit mi, bikɔs udat kres fɔ kam mit mi we a nɔ kɔl am? Na so PAPA GƆD se.

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Jɛrimaya 50:44

“A de tɛl una, lɛkɛ we ship dɛn kin rɔn we layɔn kin kɔmɔt na bush nia Riva Jɔdan, fɔ kam atak dɛm, na so a go mek dɛn kɔmɔt to am we i nɔ mekɔp; A go pik ɛnibɔdi we mi lɛk fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad ebul tinap bifo mi?

Izikɛl 43:19

Yu go gi wan man kaw fɔ sin ɔfrin to di Lɛvitikal man we de mek sakrifays fɔ pipul sin dɛm we blant Zedɔk in famili, ɛn de go nia to mi PAPA GƆD fɔ minista to mi.

Izikɛl 45:4

I go bi di oli pɔshɔn na di land; i go bi fɔ di man dɛn we de mek sakrifays fɔ pipul sin we de minista na di ples we dɛn de pre to PAPA GƆD, ɛn we de go to PAPA GƆD fɔ minista to am; ɛn i go bi land fɔ dɛn os dɛm ɛn oli ples fɔ di say fɔ pre to PAPA GƆD.

Ɛksodɔs 28:41

Yu fɔ wɛr di gawn dɛn pan yu brɔda Erɔn ɛn in bɔypikin dɛn. Yuz ɔliv ɔyl fɔ Ɔden dɛn ɛn anɔynt dɛn fɔ lɛ dɛn go de sav mi as man dɛn we de mek sakrifays fɔ pipul sin.

Di Sam Dɛm 115:10

Una we kɔmɔt na Erɔn in famili layn ɛn de sav PAPA GƆD nain os, unasɛf put una abop pan am; nain de ɛp una ɛn i de kɔba una.