Di Nɔmba Dɛm 16:46 - Krio Fɔs Oli Baybul

⁴⁶ Dɔn Mozis tɛl Erɔn mek i tek in pɔt fɔ bɔn insɛns, put insɛns insay wit faya we kɔmɔt na di ɔlta ɛn rɔn go to di pipul dɛn go beg PAPA GƆD fɔ padin dɛn sin. I tɛl am se PAPA GƆD dɔn bigin fɔ sho aw i vɛks ɛn bad bad sik dɔn bigin we go kil di pipul dɛn.

Di Nɔmba Dɛm 16:46 Referans Kwoze

Di Nɔmba Dɛm 8:19

Pan ɔl di Izrɛlayt dɛn, na di Livayt dɛn a dɔn gi to Erɔn ɛn in bɔypikin dɛn as prɛzɛnt fɔ de ɛp wok na di Tɛnt fɔseka di Izrɛlayt dɛn. Dɛn fɔ de de so dat dɛn go de beg PAPA GƆD fɔ fɔgiv di Izrɛlayt dɛn sin so dat bad sik nɔ go kech ɛniwan pan dɛn we go mistek go nia di oli ples usay PAPA GƆD de.

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Di Sam Dɛm 106:29

dɛn provok PAPA GƆD te i vɛks wit ɔl di bad, bad tin dɛn we dɛn de du so insɛf sɛn bad sik pan dɛn.

1 Kronikuls 27:24

Joab Zenia in bɔypikin bin begin fɔ kɔnt bɔt inɔ dɔn; stil vɛksteshɔn kam pan Izrɛl fɔ seka dis ɛn dɛn nɔ ɛnta di nɔmba usay Kiŋ Devid kin mek rɛkɔd.

Di Nɔmba Dɛm 18:5

Na una rɛspɔnsibul fɔ tek kia ɔf di Tɛnt ɛn di ɔlta so dat PAPA GƆD nɔ go vɛks ɛn baranta pan di Izrɛlayt dɛn igen

Di Nɔmba Dɛm 11:33

Bɔt as dɛn de it am so, bifo dɛn swɛla am sɛf, PAPA GƆD vɛks bad ɛn ib sik pan dɛn.

Di Sam Dɛm 141:2

Lɛ mi prea tan lɛkɛ insɛns we a de bɔn fɔ yu, ɛn lɛ mi an dɛn we a es ɔp fɔ pre tan lɛkɛ sakrifays we pɔsin kin mek ivintɛm to yu.

Lɛvitikɔs 9:24

Wantɛm, wantɛm, nain PAPA GƆD sɛn faya we bɔn di bɔn ɔfrin ɛn di fat we bin de na di ɔlta. Wɛn di Izrɛlayt dɛn si dat, dɛn ala ɛn butu dɛn fes na grɔn.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Ditarɔnɔmi 9:22

I se na so dɛn bin du igen na Tabɛra, Masa ɛn na Kibroth Atava; dɛn bin du bad tin dɛn we bin mek PAPA GƆD vɛks.

Di Nɔmba Dɛm 25:13

Sote go, in ɛn in jɛnareshɔn go bi man dɛn we go de mek sakrifays fɔ pipul sin dɛn bikɔs i gɛt maynd nɔ fɔ gi mi bad nem ɛn so i ebul beg fɔ mek a padin di Izrɛlayt dɛn.

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Di Nɔmba Dɛm 25:8

ɛn fala dɛn go insay di tɛnt. I chuk dɛn ɔltu. Di spia pas pan di man go insay di uman ɛn kɔmɔt na do. Na so di bad bad sik we bin dɔn bigin kil di Izrɛlayt dɛn tek dɔn;

Abakɔk 3:5

I kin mek siknɛs lid am we i de go ɛn day fala am ɛnisay we i go.