Di Nɔmba Dɛm 16:42 - Krio Fɔs Oli Baybul

⁴² Di tɛm we dɛn gɛda fɔ mek kɔnfyushɔn pan Mozis ɛn Erɔn dɛn bin tɔn to di Tɛnt usay dɛn kin mit PAPA GƆD nain wantɛm dɛn si klawd kɔba am ɛn PAPA GƆD in glori kam dɔŋ.

Di Nɔmba Dɛm 16:42 Referans Kwoze

Di Nɔmba Dɛm 16:19

Wɛn Kora dɔn gɛda in gɛŋ we de pan di kuskas na di Tɛnt usay dɛn kin mit PAPA GƆD in domɔt, PAPA GƆD in glori jɛs bɔsawt to dɛn ɔl.

Di Nɔmba Dɛm 20:6

Mozis ɛn Erɔn kɔmɔt usay di Izrɛlayt dɛn gɛda go na di Tɛnt usay dɛn kin mit PAPA GƆD in domɔt. Dɛn bɛn dɛn ed dɔŋ, dɔn PAPA GƆD apia to dɛn.

Lɛvitikɔs 9:23

Mozis ɛn Erɔn go insay di tɛnt usay dɛn kin mit PAPA GƆD; ɛn wɛn dɛn kɔmɔt na do, dɛn ɔltu blɛs di pipul dɛn bak ɛn di brayt brayt layt we de sho se PAPA GƆD de wit dɛn bɔs pan dɛn ɔl.

Di Nɔmba Dɛm 14:10

We dɛn dɔn tɔk dɔn, di Izrɛlayt dɛn bigin tɔk se, dɛn fɔ ston dɛn te dɛn day. Wantɛm nain PAPA GƆD apia na di Tɛnt we in ɛn Mozis kin mit to ɔl di Izrɛlayt dɛn.

Ɛksodɔs 24:16

Na PAPA GƆD bin de na di klawd ɛn i bin tan lɛkɛ layt. Di klawd kɔba di mawnten fɔ siks de. Dɔn di de we mek sɛvin nain PAPA GƆD kɔl Mozis na di klawd.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Ɛksodɔs 16:7

bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du.

Di Nɔmba Dɛm 16:43

So Mozis ɛn Erɔn go frɔnt di Tɛnt usay dɛn kin mit PAPA GƆD

Di Nɔmba Dɛm 20:2

I kam bi se wata nɔ bin de fɔ di pipul dɛn so dɛn bigin grɔmbul pan Mozis ɛn Erɔn.