Di Nɔmba Dɛm 16:41 - Krio Fɔs Oli Baybul

⁴¹ Di nɛks de ɔl di Izrɛlayt dɛn bigin grɔmbul pan Mozis ɛn Erɔn bak. Dɛn se Mozis ɛn Erɔn dɔn kil PAPA GƆD in pipul dɛn.

Di Nɔmba Dɛm 16:41 Referans Kwoze

Di Sam Dɛm 106:23

So i se if nɔto we Mozis, di man we i bin dɔn pik, beg fɔ dɛn, lɛk i de dɔnawe wit dɛn. Na Mozis tap am nɔ fɔ kil dɛn ɔl we i vɛks.

Di Nɔmba Dɛm 14:2

Dɛn bigin grɔmbul pan Mozis ɛn Erɔn ɛn ɔlman we de de. Dɛn se i bin fɔ bɛtɛ if dɛn bin dɔn day na Ijipt ɔ na di ɛmti land we pɔsin nɔ go ebul tap.

Apɔsul Dɛn Wok 21:28

Dɛn Ju pipul ya se, “Wi Izrɛl pipul dɛn, una kam ɛp wi! Na dis man de go ɔlsay de lan pipul bad tin dɛn bɔt wi di Izrɛl pipul dɛn, di Lɔ we Gɔd bin gi Mozis, ɛn Gɔd in Os na dis tɔŋ. Nɔto dat nɔmɔ i dɔn du, naw i dɔn briŋ Grik pipul dɛn kam insay Gɔd in Os fɔ pwɛl dis ples we na Gɔd yon!”

Apɔsul Dɛn Wok 5:28

I se, “Wi nɔ bin dɔn wɔn una se una nɔ fɔ tɔk to ɛnibɔdi bɔt dis man? Una dɔn mek ɔlman na Jerusɛlɛm yɛri bɔt am ɛn una want mek pipul blem wi fɔ we dɛn kil am.”

Matyu 5:11

“Una gɛt blɛsin wɛn pipul kɔs una, wɛn dɛn mek una sɔfa ɛn tɔk bad tin bɔt una we nɔto tru, fɔ mi sek.

Emɔs 7:10

Amazaya we de mek sakrifays fɔ pipul sin na Bɛthɛl, sɛn ripɔt to Kiŋ Jɛroboam na Izrɛl se, Emɔs dɔn jɔyn pipul dɛn fɔ tɔn agens am. Wetin i tɔk, luk an yanda.

Ayzaya 26:11

PAPA GƆD, yu an de ɔp bɔt dɛn nɔ de si am atɔl. Lɛ dɛn si yu zil fɔ yu pipul dɛm mek dɛn go shem. Lɛ di faya fɔ yu ɛnimi dɛn, bɔn dɛn.

Di Sam Dɛm 106:13

Bɔt i nɔ te sɛf, dɛn fɔgɛt bɔt wetin i dɔn du ɛn nɔ bɔda wet fɔ PAPA GƆD fɔ tɛl dɛn wetin fɔ du.

1 Kiŋ 18:17

Wɛn Eab si Ilayja, i aks am if nain na di man we de ambɔgin Izrɛl.

2 Kɔrint 6:8

Sɔntɛm pipul kin rɛspɛkt wi, sɔntɛm dɛn kin mek wi shem; sɔntɛm dɛn kin fityay wi, sɔntɛm dɛn kin prez wi. Pan ɔl we wi de tɔk tru, dɛn kin se na lay wi de lay;

Jɛrimaya 43:3

bɔt na Baruch we na Nɛraya in bɔypikin dɔn put yu agens wi, fɔ gi wi to di Babilonian dɛm so dat dɛn go kil wi, ɔ kɛr wi go ɛgzayl na Babilɔn.”

Jɛrimaya 38:4

Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.