Di Nɔmba Dɛm 16:29 - Krio Fɔs Oli Baybul

²⁹ I se if Kora, Detan ɛn Abiram day nachɔral wan we na wetin kin bi to mɔtalman nɔmɔ bi to dɛn, dɛn nɔto PAPA GƆD sɛn am.

Di Nɔmba Dɛm 16:29 Referans Kwoze

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

1 Kiŋ 22:28

Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.

Jɛrimaya 5:9

PAPA GƆD se, “A nɔ fɔ pɔnish dɛm fɔ dɛn kayn tin dɛn de? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Ayzaya 10:3

Wetin una go du di de we a go pɔnish una, we dombolo go kɔmɔt fawe kam? Udat una go rɔn go to fɔ ɛp una ɛn usay una go lɛf una jɛntri?

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Job 35:15

PAPA GƆD nɔ de pɔnish pɔsin we i vɛks ɛn nɔto ɔltin we pɔsin du i de luk.

2 Kronikuls 18:27

Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Rɛvɛleshɔn 11:5

If ɛnibɔdi tray fɔ du dɛn tu pipul ya ɛni bad tin, faya go kɔmɔt na dɛn mɔt ɛn bɔn di pɔsin ɛn kil am; na so ɛnibɔdi we go tray fɔ du dɛn tu bad, go day.

1 Kiŋ 18:36

Wɛn di tɛm rich fɔ ɔfa di sakrifays, Prɔfɛt Ilayja muf go bifo ɛn bigin pre se, “E PAPA GƆD, di PAPA GƆD fɔ Ebraam, Ayzak ɛn Jekɔb, lɛ dɛn pipul yaso no tide se yu na PAPA GƆD na Izrɛl ɛn mi na yu savant, ɛn wetin a de du so na wetin yu tɛl mi fɔ du.