Di Nɔmba Dɛm 16:28 - Krio Fɔs Oli Baybul

²⁸ Mozis tɛl dɛn se na dis go mek dɛn no se na PAPA GƆD sɛn am fɔ du ɔl wetin i de du ɛn dat nɔto bay insɛf i de du am.

Di Nɔmba Dɛm 16:28 Referans Kwoze

Jɔn 6:38

bikɔs a nɔ kɔmɔt na ɛvin kam fɔ du wetin a want, a kam fɔ du wetin di wan we sɛn mi want mi fɔ du.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Jɔn 5:36

Bɔt wetin a de du sho wetin a bi fɔ tru pas aw wetin Jɔn sɛf tɔk, sho wetin a bi; wetin a de du na wetin nɔmɔ mi Papa tɛl mi fɔ du. Na dɛn wok ya we a de du de mek pipul no udat a bi ɛn sho se na mi Papa sɛn mi kam na wɔl.

Izikɛl 13:17

“Ɛn yu, mɔtalman, tɔn yu fes to yu pipul dɛn gyal pikin dɛn we de prɔfisay wetin dɛn yon maynd tɛl dɛn; prɔfisay agens dɛn,

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Jɔn 14:11

Una fɔ biliv mi wɛn a tɛl una se mi Papa de insay mi ɛn misɛf de insay mi Papa. If una nɔ biliv mi we a tɔk se a de insay mi Papa ɛn mi Papa de insay mi, una biliv mi fɔseka di tin dɛn we a dɔn du.

Jɔn 11:42

A no se yu de ansa mi ɔltɛm, bɔt a de tɔk dis wɔd fɔseka dɛn pipul ya we tinap so, fɔ mek dɛn biliv se, na yu sɛn mi.”

Jɔn 5:30

“A nɔ gɛt di pawa fɔ du ɛnitin bay misɛf; a jɛs de jɔj pipul lɛkɛ aw Gɔd tɛl mi fɔ jɔj dɛn, so na di rayt we a de jɔj pipul bikɔs a nɔ de tray fɔ du wetin a want, na wetin di wan we sɛn mi want, na dat nɔmɔ a de du.

Zɛkaraya 4:9

na Zerubabɛl le di os in fawndeshɔn ɛn nain go bil am dɔn. Dɔn dɛn go no se na PAPA GƆD bin sɛn am to dɛn.

Zɛkaraya 2:9

I se in go sho dɛn in pawa dɔn i go mek dɛn tɔn slev to ɔl udat bin de slev fɔ dɛn. Zɛkaraya se na da tɛm de dɛn go no se na PAPA GƆD we na PAPA GƆD Ɔlmayti sɛn am.

1 Kiŋ 18:36

Wɛn di tɛm rich fɔ ɔfa di sakrifays, Prɔfɛt Ilayja muf go bifo ɛn bigin pre se, “E PAPA GƆD, di PAPA GƆD fɔ Ebraam, Ayzak ɛn Jekɔb, lɛ dɛn pipul yaso no tide se yu na PAPA GƆD na Izrɛl ɛn mi na yu savant, ɛn wetin a de du so na wetin yu tɛl mi fɔ du.

Ditarɔnɔmi 18:22

I se, if wetin di prɔfɛt se nɔ bi, dat min se nɔto PAPA GƆD tɛl am fɔ tɔk wetin i bin tɔk. I se di prɔfɛt bin jɔs tɔk wetin in fil fɔ tɔk, so di pipul dɛn nɔ fɔ fred.

Ɛksodɔs 7:9

“We di kiŋ aks una fɔ pafɔm, Mozis, yu fɔ tɛl Erɔn se mek i trowe in tik, bifo di kiŋ na grɔn, ɛn i go tɔn to snek.”

Di Nɔmba Dɛm 24:13

if ivin Belak ful in os wit gold ɛn silva fɔ pe am, i nɔ go du gud ɔ bad, pas wetin PAPA GƆD se fɔ du.

Ɛksodɔs 4:12

Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”

Ɛksodɔs 4:15

Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se.