Di Nɔmba Dɛm 16:14 - Krio Fɔs Oli Baybul

¹⁴ Dɛn se Mozis nɔ gɛt natin fɔ gi dɛn, i nɔ kɛr dɛn go na di land we fayn fɔ plant ɛn fɔ mɛn animal dɛn, i nɔ gɛt fam dɛn fɔ gi dɛn ɔ dɛn big vayn gadin we gɛt bɔku tin fɔ gi dɛn so i jɛs de mek dɛn ful ɛn want fɔ mek dɛn in slev.

Di Nɔmba Dɛm 16:14 Referans Kwoze

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

1 Samiɛl 11:2

I se in go gri fɔ mek pepa if dɛn gri mek i pul dɛn ɔl wan yay na dɛn raytan so dat nɔbɔdi nɔ go luk Izrɛl wit bɛtɛ yay.

Di Jɔj Dɛm 16:21

Di Filistin dɛn kapchɔ am ɛn pul in yay dɛn kɔmɔt. Dɔn dɛn kɛr am go dɔŋ Gaza ɛn tay am wit ayɛn chen. Naim dɛn bin mek de tɔn di grenin ston na di prizin.

Di Nɔmba Dɛm 20:5

Dɛn se wetin mek dɛn pul dɛn kɔmɔt na Ijipt briŋ dɛn kam na ples we nɔ bɛtɛ. Dɛn se di ples nɔ gɛt ɛni ɔf di tin dɛn we dɛn bin de it na Ijipt ɛn wetin mek i wɔs, wata sɛf nɔ de fɔ drink.

Ɛksodɔs 23:11

bɔt di ia we mek sɛvin una nɔ fɔ plant ɛnitin, ɛn una nɔ fɔ go sɛf na una fam. Una fɔ lɛf ɔl wetin de de fɔ dɛn po wan dɛn fɔ it. Wetin dɛn nɔ ebul fɔ it, dɛn animal go it am. Dɔn una fɔ lɛf una vayn gadin ɛn ɔliv gadin dɛnsɛf fɔ di po wan dɛn.

Ɛksodɔs 22:5

If pɔsin lɛf in animal dɛn fɔ go nain kɔmpin in fam ɔ in vayn gadin, dɔn di animal dɛn it in plant ɛn pwɛl ɔltin, di wan we gɛt di animal dɛn fɔ pe bak. I fɔ gi di bɛst pat pan wetin i avɛst nain fam ɛn in vayn gadin.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Ɛksodɔs 23:10

“Una fɔ plant fɔ siks ia ɛn avɛst wetin una plant,

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Di Nɔmba Dɛm 14:8

Dɛn se wans PAPA GƆD gladi wit wetin dɛn de du, i go mɔs kɛr dɛn go na da land de we gud ɛn de bia bɔku tin ɛn i go mɔs gi dɛn di land.