Di Nɔmba Dɛm 16:13 - Krio Fɔs Oli Baybul

¹³ Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.

Di Nɔmba Dɛm 16:13 Referans Kwoze

Apɔsul Dɛn Wok 7:35

“Di sem Mozis we dɛn nɔ bin want, we dɛn aks se, ‘Udat mek yu rula ɛn jɔj?’ Nain Gɔd sɛn fɔ bi rula ɛn fɔ go pul pipul dɛn pan waala, ɛn na di enjɛl we go mit Mozis na di faya we bin de kɔmɔt pan di smɔl tik, nain Gɔd yus fɔ ɛp Mozis.

Di Nɔmba Dɛm 11:5

Dɛn se dɛn mɛmba di fish, di kɔkumba, di wata mɛlɔn, di lif yabas, ɔdinari yabas ɛn gyalik we dɛn bin de it na Ijipt we dɛn nɔ bin gɛt fɔ pe fɔ.

Ɛksodɔs 16:3

i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

Ɛksodɔs 2:14

Di man aks am udat gi am pawa fɔ bi rula ɛn jɔj fɔ dɛn kes? I se if i wan kil am lɛkɛ aw i kil da Ijipshian. Dat mek Mozis fred. I bigin tink se ɔlman dɔn no bɔt wetin i bin du.

Lyuk 19:14

Bɔt di pipul dɛn na di kɔntri nɔ bin lɛk di man, so dɛn sɛn mɛsenja go na di ɔda kɔntri we di man go fɔ go tɛl di wan we de rul de se dɛn nɔ want di man fɔ rul dɛn.

Di Nɔmba Dɛm 14:2

Dɛn bigin grɔmbul pan Mozis ɛn Erɔn ɛn ɔlman we de de. Dɛn se i bin fɔ bɛtɛ if dɛn bin dɔn day na Ijipt ɔ na di ɛmti land we pɔsin nɔ go ebul tap.

Ɛksodɔs 17:3

Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Di Nɔmba Dɛm 11:4

Sɔm pipul we de fɛn trɔbul, we bin de wit dɛn bigin fɔ mek bɔku nɔys se dɛn aŋri fɔ it ɔda kayn it ɛn di Izrɛlayt dɛn bigin se dɛn wish dɛn bin gɛt bif fɔ it.

Di Nɔmba Dɛm 14:3

Dɛn se wetin mek PAPA GƆD briŋ dɛn kam na dis land fɔ mek dɛn kam kil dɛn pan wa. Dɛn se dɛn go kech dɛn wɛf ɛn pikin dɛn so i go bɛtɛ mek dɛn go bak na Ijipt.

Di Nɔmba Dɛm 16:12

We Mozis dɔn tɔk to Kora dɔn, i sɛn kɔl Detan ɛn Abiram we na Ɛliab in bɔypikin dɛn. Bɔt dɛn se dɛn nɔ go kam.

Izikɛl 34:18

I nɔ du fɔ una fɔ fid pan di rich gras nɔmɔ, bɔt una fɔ mas mas dɔŋ wit una fut dɛn di balans we lɛf pan una gras; ɛn fɔ drink pan di klin wata, una fɔ dɔti di balans wit una fut?

Di Nɔmba Dɛm 11:20

bɔt dɛn go gɛt am fɔ it fɔ wanol mɔnt te di it kɔmɔt na dɛn nos ɛn dɛn go gens bikɔs na PAPA GƆD we de wit dɛn, dɛn tɔn dɛn bak pan ɛn grɔmbul pan se i bin bɛtɛ we dɛn de na Ijipt so dɛn nɔ bin fɔ kɔmɔt de.

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.