Di Nɔmba Dɛm 16:12 - Krio Fɔs Oli Baybul

¹² We Mozis dɔn tɔk to Kora dɔn, i sɛn kɔl Detan ɛn Abiram we na Ɛliab in bɔypikin dɛn. Bɔt dɛn se dɛn nɔ go kam.

Di Nɔmba Dɛm 16:12 Referans Kwoze

Jud In Lɛta 1:8

Semwe so, dɛn drim we dɛn pipul ya de drim de mek dɛn tek dɛn bɔdi du dɛn tin we fɔ mek dɛn shem ɛn we mek dɛn nɔ klin; dɛn nɔ de mek Gɔd kɔntrol dɛn layf, dɛn de tɔk bad bɔt di wan dɛn we gɛt pawa ɛn ɔna na ɛvin.

Ayzaya 3:5

Ɛn pipul dɛn go tek advantej pan dɛn dɛnsɛf, ɛn pan dɛn kɔmpin ɛn pan dɛn neba; dɛn yɔŋ wan dɛm go fityay big wan dɛm ɛn di yuslɛs man go fityay di bigman.

Prɔvabs 29:9

Wɛn udat gɛt sɛns de agyu wit fulman, di fulman go jɛs de ala de mek nɔys, ɛn wan pis nɔ go de.

Di Nɔmba Dɛm 16:1

Kora we na Iza in bɔypikin we na bin Koath in grampikin ɛn Livay in gret grampikin wit Detan ɛn Abiram we na Ɛliab in yon bɔypikin dɛn ɛn On we na Pɛlɛt in yon bɔypikin, dɛn ɔl na bin Rubɛnayt.

Di Nɔmba Dɛm 16:11

I se na PAPA GƆD, Kora ɛn in gɛŋ de mek kuskas pan ɛn aks am udat na Erɔn we dɛn de grɔmbul pan am.

Di Nɔmba Dɛm 16:13

Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.