Di Nɔmba Dɛm 16:10 - Krio Fɔs Oli Baybul

¹⁰ I tɛl Kora se pan ɔl we PAPA GƆD dɔn drɔ in ɛn di ɔda Livayt dɛn klos am, dat nɔ du fɔ dɛn. Dɛn de tray fɔ bi lɛkɛ di man dɛn we de mek sakrifays fɔ pipul sin.

Di Nɔmba Dɛm 16:10 Referans Kwoze

Jɔn In Tɔd Lɛta 1:9

A bin dɔn rayt lɛta to di chɔch, bɔt Dayɔtrɛfes we want put insɛf bifo na di chɔch, nɔ lisin wetin a tɛl am.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Lyuk 22:24

Di lanin bɔy dɛn mek plaba wɛn dɛn de tray fɔ no uswan pan dɛn fɔ bi edman.

Prɔvabs 13:10

Rudnɛs nɔ de prɔfit natin pas plaba, bɔt yu tek advays gɛt sɛns.

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

Di Nɔmba Dɛm 3:10

Erɔn ɛn in bɔypikin dɛn, na dɛn Mozis fɔ pik fɔ bi di wan dɛn we go de mek sakrifays fɔ di pipul dɛn sin; PAPA GƆD se if ɛni ɔda pɔsin du dis wok i fɔ day.

Di Nɔmba Dɛm 18:1

PAPA GƆD tɔk to Erɔn. I se, “Na yu ɛn yu bɔypikin dɛn ɛn yu papa in fambul dɛn rɛspɔnsibul fɔ ɛnitin we go rɔŋ insay di Tɛnt dɔn na yu ɛn yu bɔypikin dɛn rɛspɔnsibul fɔ ɛnitin we go ambɔg di wok bikɔs una na di man dɛn we de mek sakrifays fɔ pipul sin.

Di Jɔj Dɛm 17:12

So Mayka mek am man we de mek sakrifays fɔ pipul sin nain shrayn ɛn di man bin tap nain os.

Di Nɔmba Dɛm 3:6

i fɔ kɛr ɔlman na Livay in fambul layn go to Erɔn fɔ mek dɛn de ɛp Erɔn.