Di Nɔmba Dɛm 15:4 - Krio Fɔs Oli Baybul

⁴ dɛn di pɔsin we go de mek di sakrifays to PAPA GƆD fɔ tek lɛkɛ siks kɔp flawa we miks wit lɛkɛ wan ɛn af paynt ɔyl, we i go gi wit di sakrifays.

Di Nɔmba Dɛm 15:4 Referans Kwoze

Ɛksodɔs 29:40

Yuz tu pawns fayn flawa ɛn wan kwat piɔ ɔliv ɔyl fɔ mek di sakrifays wit di fɔs yɔŋ ship; dɔn yu tek wan lita wayn tɔn am as sakrifays to PAPA GƆD.

Lɛvitikɔs 23:13

Ɛn di sid ɔfrin we de go wit am fɔ bi sikstin kɔp fayn flawa miks wit ɔyl ɛn dɛn fɔ mek am na faya so dat i go pul fayn sɛnt we go mek PAPA GƆD gladi; ɛn di drink ɔfrin go bi wan lita wayn.

Lɛvitikɔs 6:14

Na di lɔ dis fɔ sid ɔfrin: Wan pan Erɔn in bɔypikin dɛn fɔ kɛr am go to PAPA GƆD bifo di ɔlta.

Lɛvitikɔs 2:1

We ɛnibɔdi de briŋ sid ɔfrin to PAPA GƆD, i fɔ bi fayn flawa ɛn dɛn fɔ put ɔyl ɛn frankinsɛns pan am,

Lɛvitikɔs 14:10

Di de we mek et, i go tek tu yɔŋ manship we nɔ gɛt bɔt, wan yɔŋ uman ship we nɔ gɛt bɔt ɛn fayv pawn flawa we miks wit ɔyl, fɔ sid ɔfrin ɛn af paynt ɔliv ɔyl.

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Izikɛl 46:14

Ɛn i go provayd wan sirial ɔfrin wit am ɛvri mɔnin, wan siks pan wan ɛfa, wan tɔd hin ɔyl fɔ tek mɔysin di flawa, fɔ bi di sirial ɔfrin to PAPA GƆD; dis na di ɔda fɔ lɛ di ɔfrin fɔ bɔn go de bi ɔltɛm.

Ayzaya 66:20

Ɛn dɛn go briŋ ɔl una brɔda dɛn kɔmɔt na ɔl di neshɔn dɛm lɛk ɔfrin to PAPA GƆD, pan ɔs ɛn pan chariɔt dɛm, insay Karavan ɛn pan dɔŋki ɛn kamɛl go na mi oli mawnten Jerusɛlɛm, jɛs lɛk aw di Izrɛlayt dɛn de briŋ sid ɔfrin na klin plet na PAPA GƆD in os. Na so PAPA GƆD se.

Di Jɔj Dɛm 9:9

Nain di Ɔliv tik aks dɛn se if in fɔ lɛf fɔ de pul in ɔyl we dɛn de tek gi rɛspɛkt to gɔd ɛn mɔtalman, ɛn go se in de go bi dɛn tik dɛn kiŋ.

Lɛvitikɔs 2:15

Dɔn fɔ put ɔyl pan am ɛn le insɛns pantap am; na sid ɔfrin.

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 3:7

If i tek wan man ship fɔ in ɔfrin, dɛn i fɔ mek di ɔfrin to PAPA GƆD,

Di Nɔmba Dɛm 28:4

Fɔ mek wan yɔŋ ship na mɔnin ɛn di ɔda wan ivintɛm

Di Nɔmba Dɛm 28:12

Fɔ ɛni man kaw, dɛn fɔ mek di sakrifays wit in sid sakrifays we fɔ bi lɛkɛ twɛnti-fo kɔp fayn flawa we dɛn miks wit ɔyl;

Ɛzra 7:17

Yu fɔ yuz dis mɔni fɔ bay man kaw, man ship, yɔŋ man ship, it ɛn wayn ɛn tek dɛn mek sakrifays to PAPA GƆD na di ɔlta na una GƆD in os na Jerusɛlɛm.

Di Nɔmba Dɛm 7:13

In prɛzɛnt na bin wan silva plet we bin we tri ɛn wan kwata pawns wit wan silva besin we bin we sɛvinti shɛkɛl bay di wet we dɛn bin de yuz na di ples we dɛn bin de pre to Papa Gɔd. Dɛn tu bin ful wit fayn flawa we miks wit ɔyl fɔ di sid sakrifays.

Di Nɔmba Dɛm 29:6

Ɔl dis ad to di sakrifays we dɛn kin bɔn ɛvri mɔnt ɛn ɛvride wit di sid sakrifays ɛn drink sakrifays we dɛn fɔ mek. Dɛn na sakrifays we dɛn de mek to PAPA GƆD na faya fɔ lɛ i pul fayn sɛnt fɔ mek i gladi.