Di Nɔmba Dɛm 15:31 - Krio Fɔs Oli Baybul

³¹ Bikɔs i dɔn tɔn in bak pan wetin PAPA GƆD se ɛn nɔ obe in lɔ dɛn, da pɔsin de fɔ go ɛn tot in waala go wit am.

Di Nɔmba Dɛm 15:31 Referans Kwoze

Prɔvabs 13:13

Udat nɔ yɛri wɔd go pe fɔ in traŋayes, bɔt udat yɛri wɔd go rip di bɛnifit.

2 Samiɛl 12:9

Nethan se PAPA GƆD se fɔ aks Devid wetindu i lɛf fɔ du wetin in tɛl am fɔ du bifo dat i du bad frɔnt PAPA GƆD in fes. I kil Yuraya we na Itayt ɛn tek in wɛf nain an. I mek di Amonayt dɛn kil am fɔ am.

Izikɛl 18:20

Di sol we de du bad tin dɛn, go day. Di bɔypikin nɔ go sɔfa fɔ in papa in sin, ɛn di papa sɛf nɔ go sɔfa fɔ in bɔypikin in sin; di wan we de waka tret wit PAPA GƆD go gɛt in blɛsin, ɛn di wan we de du bad, in wikɛdnɛs go de pan am.

Fɔs Lɛta Fɔ Tɛsalonayka 4:8

So ɛnibɔdi we tɔn in bak pan dɛn tin ya we wi de lan dɛn, nɔto mɔtalman di pɔsin tɔn in bak pan, na Gɔd we gi wi in Spirit i tɔn in bak pan.

Di Sam Dɛm 119:126

PAPA GƆD tɛm dɔn rich fɔ mek yu du sɔntin, pipul nɔ de obe yu lɔ.

Lɛvitikɔs 5:1

We pɔsin sin, na dɛn tin ya fɔ bi. If ɛnibɔdi we dɛn aks fɔ go bi witnɛs go na kot fɔ gi ɛvidɛns, wɛda i si ɔ dɛn tɛl am, bɔt nɔ gri fɔ tɔk, da pɔsin de go bia wetin go apin to am.

Pita In Sɛkɛn Lɛta 2:21

I bin fɔ bɛtɛ mek dɛn nɔ no di rayt we we dɛn fɔ waka, pas fɔ mek dɛn lɛf fɔ fala Gɔd in lɔ, naw we dɛn dɔn no am.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Ayzaya 30:12

Fɔseka dat, na dis Di Oli Wan na Izrɛl se, “Bikɔs una nɔ rɛspɛkt dis wɔd, ɛn biliv fɔ ɔprɛs pipul ɛn biev ɛniaw, ɛn abop pan dɛn;

Di Sam Dɛm 38:4

Mi sin dɛn so bɔku, dɛn tu ebi fɔ mi.

Lɛvitikɔs 26:43

Bɔt di pipul go gɛt fɔ lɛf di land mek i blo di blo we dɛn bin fɔ mek i blo di sɛvin ia we i bin fɔ blo bikɔs PAPA GƆD go dɔn pwɛl am kpatakpata; ɛn dɛn go aksɛpt di pɔnishmɛnt fɔ dɛn sin dɛn we na bikɔs dɛn nɔ bin bisin bɔt in lɔ dɛn.

Lɛvitikɔs 26:15

if dɛn mek nɔ bizin bɔt in lɔ dɛn, we mek dɛn nɔ go wan du wetin dɛn se, ɛn nɔ kip in Kɔvinant wit dɛn,

Di Sam Dɛm 107:11

afta we dɛn bin dɔn tɔn dɛn bak pan wetin PAPA GƆD se ɛn nɔ bisin bɔt wetin PAPA GƆD Ɔlmayti de tich.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Di Nɔmba Dɛm 9:13

If ɛni man we nɔ klin nain yay ɛn i nɔ go patrol nɔ jɔyn in kɔmpin dɛn fɔ sɛlibret di Pasova Fɛstival, dɛn fɔ drɛb am bikɔs i nɔ mek sakrifays to PAPA GƆD di tɛm we i se i fɔ du am. Di man go gɛt fɔ bia wit wetin di sin we i kɔmit gi am.

Ditarɔnɔmi 17:12

Mozis se ɛnibɔdi we nɔ go du wetin di man dɛn we de mek sakrifays fɔ pipul sin ɔ di jɔj dɛn se, dɛn fɔ kil da pɔsin de. I se na so dɛn go tek de pul di bad tin dɛn kɔmɔt na di Izrɛl neshɔn.

1 Samiɛl 3:14

Na dat mek misɛf swɛ se ɔlman na Ilaɛl in famili go sɔfa fɔ dat ɛn nɔn sakrifays ɔ prɛzɛnt nɔ go mek a chenj mi maynd.”