Di Nɔmba Dɛm 15:25 - Krio Fɔs Oli Baybul

²⁵ Di man we de mek sakrifays fɔ pipul sin fɔ beg padin fɔ di wanol Izrɛlayt kɔmyuniti ɛn a go fɔgiv dɛn, bikɔs nɔto bay wilful dɛn du am ɛn dɛn dɔn bɔn sakrifays to PAPA GƆD ɛn mek sin sakrifays.

Di Nɔmba Dɛm 15:25 Referans Kwoze

Lɛvitikɔs 4:20

Lɛkɛ aw i bin du di man kaw fɔ di sin ɔfrin, na so i fɔ du dis wan; di man we de mek sakrifays fɔ pipul sin go beg padin fɔ ɔlman ɛn PAPA GƆD go fɔgiv dɛn sin.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Lyuk 23:34

Jizɔs se, “Papa, padin dɛn pipul ya bikɔs dɛn nɔ no wetin dɛn de du.” Di soja man dɛn ib days fɔ pik di pɔsin we go gɛt Jizɔs in klos.

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.

Di Ibru Pipul Dɛn 9:7

Bɔt na di edman we bin de mek sakrifays fɔ pipul sin, in wangren kin go insay di sɛkɛn ples we de insay insay, wan tɛm fɔ ia. Na di tɛm dat we i kin tek bif blɔd mek sakrifays to Gɔd fɔseka in yon sin, dɛn i kin mek sakrifays fɔ ɔl di ɔda pipul dɛn sin we dɛn nɔ bin no se na sin.

Ditarɔnɔmi 21:21

As dɛn tɔk dat so, ɔl di man dɛn we de na di siti fɔ ston am te i day. I se, dat go mek dɛn go de pul di bad tin dɛn kɔmɔt na Izrɛl, bikɔs, we pipul dɛn yɛri se dɛn kayn tin dɛn de apin, dɛn go de fred fɔ du bad.

Ɛkliziastis 5:6

Nɔ mek yu mɔt mek yu sin we yu go gɛt fɔ tɛl rɛvrɛn se na mistek yu mistek tɔk. Nɔ mek PAPA GƆD vɛks pan yu ɛn pwɛl wetin yu dɔn lebɔ fɔ.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:35

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di yɔŋ ship pan di pis ɔfrin ɛn di man we de mek sakrifays fɔ pipul sin go bɔn am na di ɔlta pantap di ɔfrin dɛn we dɛn de mek na faya to PAPA GƆD; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 15:15

ɛn in naw go gi dɛn fɔ sakrifays, wan fɔ sin ɔfrin ɛn di ɔda wan fɔ di bɔn ɔfrin; dɔn i go beg PAPA GƆD fɔ padin am fɔ di wata we i de pul insay am.