Di Nɔmba Dɛm 15:20 - Krio Fɔs Oli Baybul

²⁰ Fɔ mek kek wit di fɔs flawa we dɛn mil ɛn gi PAPA GƆD as sakrifays frɔm di mil os.

Di Nɔmba Dɛm 15:20 Referans Kwoze

Lɛvitikɔs 2:14

If di sid ɔfrin we una de gi PAPA GƆD pan di fɔs tin dɛn we una avɛst, una fɔ gren di sid ɔfrin pan di fɔs tin dɛn we una avɛst ɛn pach am na faya.

Ɛksodɔs 34:26

Una fɔ briŋ di fɔs tin we una avɛst na una fam ɛvri ia to una PAPA GƆD PAPA GƆD in os. Nɔ kil yɔŋ got ɔ ship we de sɔkul ɛn it am wit in milk.”

Izikɛl 44:30

Ɛn di fɔs wan pan ɔl di fɔs frut dɛn, ɔl kayn, ɛn ɔl ɔfrin, ɔlkayn, pan ɔl una ɔfrin dɛn, go blant di man we de mek sakrifays fɔ pipul sin dɛm; sɛf una go gi di fɔs pat pan una kos mil to di man we de mek sakrifays fɔ pipul sin dɛm so dat blɛsin go lɛf na una os.

Nɛimaya 10:37

“Pantap dat, we go kip sɔm tin dɛn na di sto we de na PAPA GƆD in os. Wi go briŋ flawa, sɔm gren fɔ ɔfrin, frut dɛn we kɔmɔt pan ɔl dɛn tik, nyu wayn ɛn ɔyl. Wi go de gi wi tayth pan di tin dɛn we wi plant to di Livayt dɛn as na dɛn rɛspɔnsibul fɔ gɛda am no ɔl di siti dɛn we wi de wok.”

Lɛvitikɔs 23:10

mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

Ɛksodɔs 23:19

Na di bɛst pat pan wetin una avɛst na una gadin una fɔ briŋ kam to mi PAPA GƆD una PAPA GƆD as sakrifays. Una nɔ kuk got pikin we de sɔk bɔbi.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

1 Kɔrint 15:20

Pan ɔl dɛn wɔd ya, di wan we tru, na di wɔd we pipul de tɔk se Gɔd dɔn mek Krays rayz frɔm di grev fɔs, fɔ sho wi se, fɔ tru, Gɔd go mek dɛn wan we dɔn day rayz frɔm dɛn grev.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Ditarɔnɔmi 14:22

Mozis tɛl di Izrɛlayt dɛn se dɛn fɔ sheb ɔltin tɛn ples we dɛn avɛst dɛn fam, ɛn gi wan ples to PAPA GƆD ɛvri ia.

Di Nɔmba Dɛm 18:12

“Ɔl di ɔliv ɔyl we fayn pas ɔl, di wayn we fayn pas ɔl pan di fɔs wayn we dɛn pul, dɛn sid dɛn we dɛn kin gi PAPA GƆD as di fɔs tin we dɛn avɛst na dɛn a de gi una.

Lɛvitikɔs 23:20

Di man we de mek sakrifays fɔ pipul sin go gi di bred dɛn wit di tu yɔŋ ship as spɛshal prɛzɛnt to PAPA GƆD fɔseka ɔl di man dɛn we de mek sakrifays fɔ pipul sin; dɛn oli.

Di Nɔmba Dɛm 15:21

Fɔ ɔl di jɛnareshɔn we nɔ bɔn yet, dɛn ɔl fɔ mek dis sakrifays to PAPA GƆD pan di fɔs flawa we dɛn mil.

Ditarɔnɔmi 14:23

I tɛl dɛn se dɛn fɔ kɛr am go na di ples we PAPA GƆD we na dɛn PAPA GƆD go dɔn pik fɔ mek sakrifays to am ɛn it di kɔn, drink di wayn, kuk di ɔliv ɔyl ɛn di fɔs pikin we dɛn animal dɛn go bɔn, ɛn it dɛn de. Dat go mek dɛn lan fɔ rɛspɛkt PAPA GƆD we na dɛn PAPA GƆD, ɔltɛm.

Ditarɔnɔmi 16:13

Mozis tɛl di Izrɛlayt dɛn se we dɛn go dɔn bit ɛn fana dɛn sid dɛn, ɛn dɔn kwis di jus kɔmɔt pan di frut dɛn dɔn, dɛn fɔ sɛlibret di Bafa Fɛstival fɔ sɛvin de.

Lɛvitikɔs 2:12

Yu kin gi PAPA GƆD as ɔfrin we yu de gi am di fɔs tin dɛn we yu avɛst, we nɔ gɛt fɔ bɔn na ɔlta bikɔs i nɔ go pul fayn sɛnt we go mek i gladi.