Di Nɔmba Dɛm 14:9 - Krio Fɔs Oli Baybul

⁹ Dɛn tɛl dɛn kɔmpin dɛn se, dɛn nɔ fɔ mek lɛk rebɛl pan PAPA GƆD ɛn dɛn nɔ fɔ fred di pipul dɛn we tap de bikɔs dɛn di Izrɛlayt go dɔnawe wit di pipul dɛn. Dɛn se di pipul dɛn nɔ gɛt natin fɔ kɔba dɛn bɔt dɛn di Izrɛlayt dɛn gɛt PAPA GƆD wit dɛn so dɛn nɔ fɔ fred di pipul dɛn.

Di Nɔmba Dɛm 14:9 Referans Kwoze

Ditarɔnɔmi 7:18

Dɛm at dɛn nɔ fɔ kɔt sɛf; dɛn nɔ fɔ fɔgɛt wetin PAPA GƆD we na dɛn PAPA GƆD bin du wanol Ijipt ɛn dɛn kiŋ;

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Ditarɔnɔmi 31:6

Mozis tɛl di Izrɛlayt dɛn se, dɛn fɔ tinap lɛk man, ɛn dɛn nɔ fɔ mek dɛn ɛnimi dɛn mek dɛn fred, bikɔs PAPA GƆD we na dɛn PAPA GƆD de wit dɛn ɔltɛm; i nɔ go kɔmɔt biɛn dɛn.

Di Sam Dɛm 74:14

Ivin da dɛbul we nem Liviathan, yu mas in ed ɛn gi am to di animal dɛn na di ɛmti land we pɔsin nɔ go ebul tap fɔ it.

2 Kronikuls 32:8

Na mɔtalman an de wit am, bɔt na PAPA GƆD wi Gɔd de wit wi fɔ ɛp wi ɛn fɛt wi batul dɛm i ɛn di pipul dɛm kan gɛt kɔnfidɛns fɔ seka Ɛzikaya di kiŋ na Juda in wɔd dɛm.

2 Kronikuls 20:17

Una nɔ gɛ gɛt fɔ fɛt na dis fɛt; una tek una pozishɔn ɛn tinap ɛn nɔ du natin, ɛn wach we PAPA GƆD de bit dɛn fɔ una, una we de Juda ɛn Jerusɛlɛm.’ Una nɔ fred ɛn nɔ pwɛlat; Tumara, una go fɛt dɛm ɛn PAPA GƆD go de wit una.

Ditarɔnɔmi 31:8

I tɛl am se PAPA GƆD go de bifo dɛn ɛn i go de wit dɛn ɔltɛm; i nɔ go kɔmɔt biɛn dɛn, so i nɔ sɔpoz fɔ fred natin ɔ pwɛl at.

Di Nɔmba Dɛm 24:8

PAPA GƆD pul dɛn kɔmɔt Ijipt; ɛn gi dɛn trɛnk lɛk dɛn wayl animal. Dɛn de bit ɔl dɛn neshɔn we nɔ lɛk dɛn ɛn nyamanyama dɛn bon dɛn, dɔn, na dɛn aro dɛn kin tek chuk dɛn.

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Di Sam Dɛm 121:5

Na PAPA GƆD de gyad yu i fiba shed we de nia yu ɔl di tɛm;

Di Sam Dɛm 14:4

Dɛn fulman ya nɔ de lan, dɛn nɔ ɔndastand natin, bɔt dɛn no wetin dɛn de du. Dɛn kɔrɔpt, dɛn de tek di po pipul dɛn fat fray dɛn, i tan lɛk we pɔsin de it in yon rɛs, ɛn nɔn pan dɛn nɔ bisin bɔt PAPA GƆD.

Ditarɔnɔmi 9:7

I mɛmba dɛn we dɛn bin mek PAPA GƆD we na dɛn PAPA GƆD vɛks, we dɛn bin de na da ɛmti ples we pɔsin nɔ go ebul tap. I se frɔm we dɛn kɔmɔt Ijipt te dɛn rich usay dɛn bin dɔn rich so, dɛn nɔ bin de du wetin PAPA GƆD bin de tɛl dɛn fɔ du atɔl.

Ditarɔnɔmi 1:26

Mozis se, pan ɔl dat dɛn nɔ bin gri fɔ du wetin PAPA GƆD we na dɛn GƆD, bin tɛl dɛn fɔ du,

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Ditarɔnɔmi 32:42

A go mek mi aro drɔnk wit blɔd, ɛn min sɔd go it flɛsh blɔd we kɔmɔt pan di wan dɛn we dɛn kil ɛn di wan dɛn we dɛn kapchɔ, flɛsh we kɔmɔt pan mi ɛnimi dɛn we gɛt lɔŋ ia na dɛn ed.

Ditarɔnɔmi 7:21

So dɛn nɔ fɔ fred nɔbɔdi bikɔs PAPA GƆD we na dɛn PAPA GƆD, na di PAPA GƆD we gɛt pawa pas ɔl ɔda gɔd dɛn ɛn i de wit dɛn ɔltɛm.

Ditarɔnɔmi 1:21

I tɛl dɛn se mek dɛn luk di land we PAPA GƆD dɔn rɛdi fɔ gi dɛn, lɛ dɛn go kapchɔ am ɛn tap de, jɛs lɛk aw PAPA GƆD we na dɛn fɔstɛm-papa dɛn PAPA GƆD, bin dɔn tɛl dɛn. I tɛl dɛn se mek dɛn nɔ fred ɔ pwɛl at pan natin.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Jɛrimaya 48:45

“Pipul dɛn we de rɔnawe de sidɔm nia Ɛshbɔn ɛlplɛs wan; bikɔs faya dɔn kɔmɔt na Ɛshbɔn, faya we kɔmɔt na Siɔn in os; i dɔn nyakanyaka Moab in fɔrɛd, we na bɔypikin dɛn we de kɔz kɔnfyushɔn, dɛn krawn.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Ayzaya 41:14

Nɔ fred, yu Jekɔb we na wɔrɔm, una di man dɛn na Izrɛl! PAPA GƆD se, a go ɛp una; di wan we de sev una na di Oli Wan na Izrɛl.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Ayzaya 1:2

Di Ɛvin dɛn, una yɛri o! Ɛn lɛ di ath sɛf opin in yes! Bikɔs na PAPA GƆD dɔn tɔk: “A dɔn men ɛn tren una mi bɔypikin dɛm, bɔt dɛn tɔn pan mi.

Di Sam Dɛm 91:1

Ɛnibɔdi we go to PAPA GƆD fɔ mek i kɔba am, udat PAPA GƆD Ɔlmayti de fɔ,

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

2 Kronikuls 13:12

So, PAPA GƆD de wit wi ɛn nain na wi lida, ɛn in man dɛn we de mek sakrifays fɔ pipul sin de wit dɛn batul trɔmpɛt dɛn fɔ blo fɔ kɔl wi fɔ fɛt una. Duya Izrɛl in bɔypikin dɛm, una nɔ fɛt PAPA GƆD we na una papa dɛn Gɔd, bikɔs una nɔ go ebul.”

Di Jɔj Dɛm 1:22

Josɛf in jɛnareshɔn sɛf bin go atak Bɛthɛl ɛn PAPA GƆD bin de wit dɛn.

Ɛksodɔs 33:16

I aks PAPA GƆD se aw i want in ɛn di pipul dɛn fɔ no se i lɛk dɛn. I se if i lɛk dɛn lɛ i de wit dɛn, bikɔs na dat go mek dɛn difrɛn frɔm di ɔda neshɔn dɛn na di wɔl.

Jɛnɛsis 48:21

Dɛn Jekɔb tɛl Josɛf se, na day in de day so, bɔt PAPA GƆD go de wit yu ɛn i go kɛr am go bak na di land usay in pipul dɛn kɔmɔt.

Daniɛl 9:5

Wi dɔn kɔmit sin ɛn dɔn du bad, ɛn biev wikɛd wan ɛn tɔn wi bak ɛn nɔ du wetin yu lɔ ɛn ɔda dɛn se;

Ditarɔnɔmi 1:29

Mozis se in bin tɛl dɛn se dɛn nɔ fɔ fred dɛn pipul dɛn de ɛn dɛn nɔ fɔ pwɛl at atɔl.

Nɛimaya 4:14

A sidɔm luk pin nain a tɛl dɛn se, “Una nɔ fred nɔbɔdi. Una mɛmba se PAPA GƆD big ɛn wɔndaful. I gɛt pawa ɛn du fɔ fred so una fɛt fɔ una brɔda, pikin, wɛf ɛn ɔlman na una os dɛn.”

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.

Jɛrimaya 42:11

Una nɔ frɛd di kiŋ na Babilɔn we una bin de fred igen; una no frɛd am, na so PAPA GƆD se, bikɔs a de wit una fɔ pul una kɔmɔt nain an.

Ɛksodɔs 14:13

Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen

Di Nɔmba Dɛm 13:30

We dɛn bin de tɔk, Kelɛb jɛs kɔt di wɔd na dɛn mɔt. I se, “Wi fɔ go mek wi go tek di land na dɛn an, bikɔs wi ebul fɔ du am.

Di Nɔmba Dɛm 17:6

So Mozis tɛl di Izrɛlayt dɛn lida dɛn. Dɛn gi am twɛlv wɔkinstik, wan fɔ ɛvri fambul na Izrɛl. So Erɔn in sɛf yon wɔkinstik bin de de.

Di Nɔmba Dɛm 20:2

I kam bi se wata nɔ bin de fɔ di pipul dɛn so dɛn bigin grɔmbul pan Mozis ɛn Erɔn.

Jɔshwa 14:12

I se i go gud fɔ lɛ Jɔshwa gian di kɔntri dɛn na di il bikɔs i bin de da de de ɛn bin yɛri we PAPA GƆD bin de tɔk bɔt dɛn se, na jayant dɛn de de we bil ay ay wɔl dɛn rawnd dɛn siti dɛn. Kelɛb se sɔntɛnde, PAPA GƆD go ɛp an drɛb dɛm kɔmɔt de bikɔs na so PAPA GƆD bin se.

Di Sam Dɛm 46:8

Ɔlman kam luk wetin PAPA GƆD dɔn du, kam luk ɔmɔs wɔndaful tin i dɔn du na wɔl.

Di Sam Dɛm 106:24

Dat nɔ dɔn, dɛn nɔ gri go insay di land we i prɔmis se go bi dɛn yon; dɛn nɔ biliv wetin i se.