Di Nɔmba Dɛm 14:8 - Krio Fɔs Oli Baybul

⁸ Dɛn se wans PAPA GƆD gladi wit wetin dɛn de du, i go mɔs kɛr dɛn go na da land de we gud ɛn de bia bɔku tin ɛn i go mɔs gi dɛn di land.

Di Nɔmba Dɛm 14:8 Referans Kwoze

2 Samiɛl 22:20

I sev mi bikɔs i gladi wit mi.

Ayzaya 62:4

Dɛn nɔ go kɔl yu, di wan we dɛn lɛf to insɛf igen, ɛn dɛn nɔ go kɔl yu land, ɛmti land igen; Bɔt dɛn go kɔl yu, Na yu mi at de gladi fɔ, ɛn dɛn go kɔl yu land, Mared land; bikɔs PAPA GƆD lɛk yu, ɛn yu land go mared.

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Ditarɔnɔmi 10:15

Mozis se pan ɔl dat PAPA GƆD put in at to Izrɛl dɛn fɔstɛm-papa dɛn ɛn pik dɛn jɛnareshɔn fɔ bi in yon pipul, ɛn tek dɛn pas ɔl ɔda pipul dɛn, frɔm da de de.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Di Sam Dɛm 22:8

dɛn kin se “Luk am, i se i trɔs PAPA GƆD; Lɛ i sev am nɔ. Lɛ PAPA GƆD pul am pan trɔbul if nain i biliv pan fɔ tru.”

1 Kiŋ 10:9

I prez PAPA GƆD se, “Lɛ wi Prez PAPA GƆD, we na yu PAPA GƆD we sho yu se i lɛk yu ɛn dɔn mek yu kiŋ fɔ Izrɛl. Bikɔs PAPA GƆD in lɔv nɔ de dɔn fɔ Izrɛl, na dat mek i mek yu bi kiŋ fɔ lɛ jɔstis, fia ple ɛn tret biznɛs go de.”

Zɛfinaya 3:17

PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,

Jɛrimaya 32:41

A go de gladi fɔ du dɛm gud, ɛn a go plant dɛm na dis land in wit tret maynd, wit ɔl mi at ɛn mi sol.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Di Nɔmba Dɛm 16:14

Dɛn se Mozis nɔ gɛt natin fɔ gi dɛn, i nɔ kɛr dɛn go na di land we fayn fɔ plant ɛn fɔ mɛn animal dɛn, i nɔ gɛt fam dɛn fɔ gi dɛn ɔ dɛn big vayn gadin we gɛt bɔku tin fɔ gi dɛn so i jɛs de mek dɛn ful ɛn want fɔ mek dɛn in slev.

Jɔshwa 14:12

I se i go gud fɔ lɛ Jɔshwa gian di kɔntri dɛn na di il bikɔs i bin de da de de ɛn bin yɛri we PAPA GƆD bin de tɔk bɔt dɛn se, na jayant dɛn de de we bil ay ay wɔl dɛn rawnd dɛn siti dɛn. Kelɛb se sɔntɛnde, PAPA GƆD go ɛp an drɛb dɛm kɔmɔt de bikɔs na so PAPA GƆD bin se.

2 Kiŋ 18:32

te a go kam kam pul una kɔmɔt de kɛr una na land we tan lɛk una yon, land we gɛt bɔku it, nyu wayn, bred, vayn gadin, land we gɛt ɔliv tik dɛn ɛn ɔni. Una pik layf, una nɔ pik fɔ day!” “Una nɔ lisin to Ɛzikaya bikɔs na ful i de mek una we i de tɛl una se PAPA GƆD go sev una.