Di Nɔmba Dɛm 14:6 - Krio Fɔs Oli Baybul

⁶ Jɔshwa we na Nɔn in bɔypikin ɛn Kelɛb we na Jɛfunɛ in bɔypikin we bin de pan di man dɛn we go wach aw di land tan, chɛr dɛn klos fɔ sho aw dɛn vɛks,

Di Nɔmba Dɛm 14:6 Referans Kwoze

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.

Di Nɔmba Dɛm 13:30

We dɛn bin de tɔk, Kelɛb jɛs kɔt di wɔd na dɛn mɔt. I se, “Wi fɔ go mek wi go tek di land na dɛn an, bikɔs wi ebul fɔ du am.

Di Nɔmba Dɛm 14:38

Pan ɔl di man dɛn we bin go wach aw di land tan, na Jɔshwa we na Nɔn in bɔypikin ɛn Kelɛb we na Jɛfunɛ in bɔypikin nɔmɔ nɔ day.

Di Nɔmba Dɛm 13:8

frɔm Ifrem in fambul, na Oshia we na Nɔn in bɔypikin go;

Di Nɔmba Dɛm 13:6

frɔm Juda in fambul, na Kelɛb we na Jɛfunɛ in bɔypikin go;

Jɛnɛsis 37:34

Jekɔb chɛr in yon klos we i bin wɛr, dɔn i wɛr munin. I munin fɔ in pikin fɔ lɔŋ.

Jɛnɛsis 37:29

We Rubɛn kam bak na di ol ɛn si se Josɛf nɔ de de, i so fil am dat i chɛr chɛr in klos.

Matyu 26:65

Wɛn di edman fɔ dɛn man we de mek sakrifays fɔ pipul sin yɛri wetin Jizɔs tɔk, i vɛks ɛn chɛr in klos, i se, “Dis man dɔn tɔk bad bɔt Gɔd. Wi nɔ want mɔ witnɛs fɔ tɔk wetin i du! Una ɔl jɛs yɛri we i tɔk bad bɔt Gɔd!

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

2 Kiŋ 18:37

Ilkaya in bɔypikin we na di administretɔ na di kiŋ in os in bɔypikin we na Ilayakim wit Shɛbna we na sɛktri ɛn Joa we na Esaf we de rayt in bɔypikin go to Kiŋ Ɛzikaya wit chɛr-chɛr klos ɛn tɛl am ɔl wetin di fil kɔmanda na Asiria se.

2 Samiɛl 3:31

Devid tɛl Joab ɛn ɔl di sojaman dɛn wit am fɔ chɛr chɛr dɛn klos ɛn wɛr saklɔth waka bifo di dedebɔdi we dɛn de go bɛr am fɔ sho se dɛn sɔri. Kiŋ Devid insɛf bin de biɛn di bɛrin.

Di Jɔj Dɛm 11:35

We Jɛftha si in pikin, i chɛr in klos ɛn tɔk se, in gyal pikin dɔn brok in zil; i dɔn gi am bad bad brok at. I se in bin dɔn swɛ to PAPA GƆD ɛn in nɔ go go biɛn in wɔd.

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Di Nɔmba Dɛm 14:24

Bɔt bikɔs Kelɛb, mi savant, gɛt difrɛn spirit ɛn de sav mi wit ɔl in at, a go kɛr am na di land we i bin go wach ɛn in ɛn in jɛnareshɔn go tap de as dɛn yon.

Jɛnɛsis 44:13

We dis bi, di brɔda dɛn chɛr chɛr dɛn klos fɔ sho se dɛn fil am bad. Dɛn lod dɛn dɔŋki dɛn bak ɛn tɔn bak go na di siti.

Mak 14:63

Di edman fɔ dɛn man we de mek sakrifays fɔ pipul sin vɛks ɛn chɛr in klos ɛn se, “Wetin du wi want mɔ witnɛs?

Apɔsul Dɛn Wok 14:14

Wɛn Banabas ɛn Pɔl yɛri se di pipul dɛn want mek sakrifays, dɛn chɛr di klos we dɛn bin wɛr pantap. (Na so dɛn Ju pipul kin du fɔ sho se dɛn nɔ gri wit wetin de bi.) Dɛn rɔn go na di ples we di pipul dɛn we bin de pre to Zus bin gɛda. Dɛn ala tɛl di pipul dɛn se,

Di Nɔmba Dɛm 14:5

Dis mek Mozis ɛn Erɔn jɛs bɛn dɛn fes dɔŋ usay di wanol Izrɛlayt kɔmyuniti gɛda.

Di Nɔmba Dɛm 14:7

ɛn tɛl di ɔda Izrɛlayt dɛn se di land we dɛn pas we dɛn bin de wach fayn bad bad.

Jɔshwa 14:6

Bifo Jɔshwa sheb di land na di wɛst pat na Riva Jɔdan gi di ɔda fambul dɛn, Jɛfunɛ, wan Kɛnizayt in pikin, Kelɛb, ɛn sɔm pipul dɛn na di Juda fambul go mit Jɔshwa na Gilgal usay di Izrɛlayt dɛn bin kamp, ɛn tɛl an se i fɔ mɛmba wetin PAPA GƆD bin tɛl Mozis we na bin Man ɔf PAPA GƆD, bɔt dɛn tu, dat nain Kelɛb ɛn Jɔshwa na Kadɛsh Banɛa.

1 Kronikuls 7:27

in bɔypikin Nun, in bɔypikin Joshua.