Di Nɔmba Dɛm 14:5 - Krio Fɔs Oli Baybul

⁵ Dis mek Mozis ɛn Erɔn jɛs bɛn dɛn fes dɔŋ usay di wanol Izrɛlayt kɔmyuniti gɛda.

Di Nɔmba Dɛm 14:5 Referans Kwoze

Di Nɔmba Dɛm 16:4

We Mozis yɛri wetin dɛn se, i bɛn dɔŋ bifo PAPA GƆD ɛn

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Di Nɔmba Dɛm 16:45

lɛ dɛn kɔmɔt gi am rod mek i dɔnawe wit di pipul dɛn wantɛm. Dɛn ɔltu jɛs bɛn dɛn ed dɔŋ.

Izikɛl 9:8

We dɛn bin de kil di pipul dɛn, ɛn mi wangren bin lɛf, a fɔdɔm na grɔn wit mi fes na grɔn de kray se, “E PAPA GƆD! Yu go kil di balans we lɛf pan Izrɛl wit di vɛksteshɔn we yu de put pan Jerusɛlɛm?”

1 Kronikuls 21:16

Devid es in yay ɛn in i si PAPA GƆD in enjɛl tinap midul di skay, ɛn i bin ol wan sɔd nain an we i tret oba Jerusɛlɛm. Nain Devid ɛn di bigman dɛn we bin wɛr saklɔth ɛn butu dɛn fes na grɔn.

Jɔshwa 5:14

Nain di man ansa an se nɔ o, a kam ya bikɔs mi na di kɔmanda fɔ PAPA GƆD in ami. Nain Jɔshwa butu na grɔn ɛn wɔship am ɛn aks am se, na wetin in go wan lɛ i du.

Lɛvitikɔs 9:24

Wantɛm, wantɛm, nain PAPA GƆD sɛn faya we bɔn di bɔn ɔfrin ɛn di fat we bin de na di ɔlta. Wɛn di Izrɛlayt dɛn si dat, dɛn ala ɛn butu dɛn fes na grɔn.

Jɛnɛsis 17:3

Ebram lidɔm flat wit in fes na grɔn wantɛm. PAPA GƆD se,

Rɛvɛleshɔn 7:11

Ɔl di enjɛl dɛn we bin tinap rawnd di ay chia we kiŋ kin sidɔm, ɛn rawnd di bigman dɛn ɛn di fo tin dɛn we gɛt layf, bin ledɔm flat bifo di ay chia ɛn dɛn bin de prez Gɔd.

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Matyu 26:39

I lɛf dɛn ɛn go bifo say lili bit, i ledɔm flat wit in fes na grɔn, ɛn pre se, “Mi Papa, if we de, pul dis sɔfa we a fɔ sɔfa kɔmɔt, ɛniwe, nɔto wetin mi want, na wetin yu want.”

Daniɛl 10:9

Nain a yɛri in vɔys, ɛn wɛn a yɛri in vɔys, a butu na grɔn ɛn slip dip dip wan wit mi fes tɔn na grɔn.

1 Kiŋ 18:39

Wɛn ɔl di pipul dɛn si wetin bi, dɛn fɔdɔm flat na grɔn ɛn tɔk se, “Na PAPA GƆD na PAPA GƆD! Na PAPA GƆD, na PAPA GƆD!”

Jɔshwa 7:10

Nain PAPA GƆD tɛl Jɔshwa se mek i grap. Nid nɔ de fɔ mek in lidɔm ɛn butu in fes na grɔn.

Di Nɔmba Dɛm 14:6

Jɔshwa we na Nɔn in bɔypikin ɛn Kelɛb we na Jɛfunɛ in bɔypikin we bin de pan di man dɛn we go wach aw di land tan, chɛr dɛn klos fɔ sho aw dɛn vɛks,

Di Nɔmba Dɛm 20:6

Mozis ɛn Erɔn kɔmɔt usay di Izrɛlayt dɛn gɛda go na di Tɛnt usay dɛn kin mit PAPA GƆD in domɔt. Dɛn bɛn dɛn ed dɔŋ, dɔn PAPA GƆD apia to dɛn.

Di Nɔmba Dɛm 17:10

PAPA GƆD tɛl Mozis fɔ put Erɔn in wɔkinstik bak na di tɛnt usay i bin de. I se, “Dis go lɛ di pipul dɛn blo fɔ grɔmbul pan mi mek dɛn nɔ day.