Di Nɔmba Dɛm 14:43 - Krio Fɔs Oli Baybul

⁴³ I wɔn dɛn se dɛn go brakɛt di Amalɛkayt dɛn ɛn di Kenanayt dɛn we go bit dɛn. I se as dɛn dɔn ib PAPA GƆD oba, i nɔ go de wit dɛn so dɛn go day na wa.

Di Nɔmba Dɛm 14:43 Referans Kwoze

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

Di Nɔmba Dɛm 14:25

As di Amalɛkayt dɛn ɛn di Kenanayt dɛn tap na di vali dɛn, una tɔn bak tumara ɛn pas bay di ɛmti land we pɔsin nɔ go ebul tap na di sem rod fɔ go na di Rɛd Si.

Di Nɔmba Dɛm 13:29

Di Amalɛkayt dɛn tap na di Nɛgɛv; di Ivayt dɛn, di Jɛbyusayt dɛn, di Amɔrayt dɛn tap na di kɔntri ɔp di il; ɛn di Kenanayt dɛn tap nia di si bay di Jɔdan Riva.

Ozie 9:12

PAPA GƆD se ivin di pikin dɛn we dɛn gɛt go day. Nɔn nɔ go lɛf. I se dɛn go did alaki we i lɛf dɛn to dɛnsɛf.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Di Jɔj Dɛm 16:20

Dilayla ala tɛl Samsin se di Filistin dɛn de kam. Nain Samsin wek. Nain i tɔk se in go fri insɛf jɛs lɛk di ɔda tɛm dɛn. Samsin nɔ bin no se PAPA GƆD in spirit dɔn lɛf am.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Di Nɔmba Dɛm 14:42

i nɔ go wok bikɔs PAPA GƆD nɔ de wit dɛn.

Di Nɔmba Dɛm 14:44

Pan ɔl dis bikɔs dɛn tink se dɛn rayt, dɛn go ɔp to di kɔntri na di il ivin we Mozis nɔ go wit dɛn ɛn di Kɔvinant Bɔks nɔ muf kɔmɔt na di kamp.

Jɔshwa 7:12

I se dat mek Izrɛl sɛf dɔn tɔn tin we fɔ nyakanyaka we mek dɛn gɛt fɔ de rɔn pan dɛn ɛnimi dɛm. PAPA GƆD se in nɔ go de ɛp dɛn igen pas dɛn nyakanyaka di tin dɛn we dɛn tek na Jɛriko we de insay dɛn kamp.

Jɔshwa 22:15

Dɛn go to di tri fambul; dat na di Rubɛn, di Gad ɛn di Manasɛ fambul dɛn. Finɛas ɛn di wan dɛn we go wit am, tɛl dɛn se,

Di Sam Dɛm 44:10

Yu mek wi rɔn pan wi ɛnimi dɛn, ɛn mek wi ɛnimi dɛn tek wi tin dɛn na wi an.