Di Nɔmba Dɛm 14:33 - Krio Fɔs Oli Baybul

³³ Dɛn po pikin dɛn go gɛt fɔ de na di ɛmti land we pɔsin nɔ go ebul tap de mɛn ship dɛn fɔ fɔti ia we dɛn go de sɔfa fɔ di we we dɛn pipul dɛn biev te di las dedebɔdi le.

Di Nɔmba Dɛm 14:33 Referans Kwoze

Izikɛl 23:35

Fɔseka dat, na dis Papa Gɔd we na Gɔd se: Bikɔs una dɔn fɔgɛt bɔt mi ɛn dɔn trowe mi, una lisin wetin go apin to una fɔseka una rudnɛs ɛn rare layf.”

Di Nɔmba Dɛm 32:13

I se na dɛn fɔstɛm pipul de mek PAPA GƆD vɛks bad pan di Izrɛlayt dɛn we mek dɛn gɛt fɔ wirɔn na di ɛmti land we pɔsin nɔ go ebul tap fɔ fɔti ia te dɛn ɔl we bin sin day.

Di Sam Dɛm 107:40

PAPA GƆD lɛf dɛn to dɛnsɛf ɛn lɛ dɛn aristo dɛn bigin wirɔn yuslɛs wan.

Ditarɔnɔmi 2:14

I se frɔm di tɛm we dɛn bin lɛf Kedɛsh Bania te di tɛm we dɛn krɔs da Zɛrɛd Riva, i bin dɔn tek tati-et ia. Da tɛm de, ɔl di sojaman dɛn bin dɔn day bikɔs PAPA GƆD bin dɔn swɛ se dɛn go day.

Ozie 9:1

Ozie tɛl di Izrɛlayt dɛn se dɛn nɔ fɔ gladi lɛk di ɔda pipul; i se dɛn dɔn mek dɛnsɛf lɛk rare gyal we dɛn lɛf dɛn yon PAPA GƆD go fala ɔda gɔd dɛn. I se dɛn ivin dɔn biev lɛk aw rare gyal kin biev we dɛn aya am ɛn gladi fɔ de pas ɔlɔbɔt na di os we dɛn de mil fɔ gɛt wetin dɛn go it.

Di Sam Dɛm 107:4

Sɔm man dɛn bin jɛs de wirɔn na di ɛmti land we pɔsin nɔ go ebul tap, dɛn nɔ ebul fɛn say fɔ sɛtul.

Jɔshwa 14:10

Kelɛb tɛl Jɔshwa se ɔl dat bin apin fɔti fayv ia we dɔn pas ɛn PAPA GƆD mek in de ɛn na we Izrɛl bin de travul na di ɛmti ples we pɔsin nɔ go ebul tap, dat apin, ɛn in dɔn eti fayv ia.

Ditarɔnɔmi 1:3

Di fɔs de na di ilɛvin mɔnt insay di ia we mek fɔti ia we di Izrɛlayt dɛn bin kɔmɔt Ijipt, Mozis bin tɛl dɛn ɔltin we PAPA GƆD bin tɛl am fɔ tɛl dɛn,

Di Nɔmba Dɛm 33:38

As PAPA GƆD se, Erɔn, di man we bin de mek sakrifays fɔ pipul sin klem go ɔp Mawnt Ɔ we na de i day. Dat bi di fɔs de, na di mɔnt we mek fiftin insay di ia we mek di Izrɛlayt dɛn foti ia afta dɛn kɔmɔt na Ijipt.

Di Nɔmba Dɛm 5:31

Di mared man nɔ go gɛt fɔ fil natin, na di uman nɔmɔ go gɛt fɔ bia wit wetin apin bikɔs ɔf in sin.

Apɔsul Dɛn Wok 7:36

Mozis du plɛnti wɔndaful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ditarɔnɔmi 2:7

Mozis mɛmba dɛn se PAPA GƆD bin de blɛs ɔltin we dɛn bin de du ɛn ɔl di fɔti ia we dɛn de waka, dɛn nɔ slip aŋri wande; I bin de du ɔltin fɔ dɛn we dɛn bin de na di ɛmti ples we pipul nɔ go ebul tap.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Ditarɔnɔmi 8:4

Ɔl da fɔti ia de we dɛn bin de waka na di ɛmti ples we pɔsin nɔ go ebul tap, dɛn klos nɔ chɛr chɛr ɛn dɛn fut nɔ swɛl.

Ditarɔnɔmi 29:5

I bin dɔn waka wit dɛn na di dray ples we pɔsin nɔ go ebul tap fɔ fɔti ia bɔt dɛn klos dɛn nɔ chɛr, dɛn sandal dɛn nɔ kɔt.

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

Di Sam Dɛm 78:33

So PAPA GƆD insɛf dɔnawe wit dɛn i mek dɛn ɔl day.