Di Nɔmba Dɛm 14:24 - Krio Fɔs Oli Baybul

²⁴ Bɔt bikɔs Kelɛb, mi savant, gɛt difrɛn spirit ɛn de sav mi wit ɔl in at, a go kɛr am na di land we i bin go wach ɛn in ɛn in jɛnareshɔn go tap de as dɛn yon.

Di Nɔmba Dɛm 14:24 Referans Kwoze

Lɛta Fɔ Ɛfisɔs 6:6

Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Ditarɔnɔmi 1:36

pas Kelɛb we na Jɛfunɛ in bɔypikin, bikɔs in rɛspɛkt am ɛn de du ɔl wetin i se, so nain ɛn in jɛnareshɔn dɛn in go gi ɔl usay we i bin dɔn go na di land.

Di Nɔmba Dɛm 26:65

Bikɔs PAPA GƆD bin dɔn tɛl dɛn se dɛn go mɔs day na di ɛmti land we pɔsin nɔ go ebul tap; so nɔn nɔ bin lɛf pas Kelɛb we na Jɛfunɛ in bɔypikin ɛn Jɔshwa we na Nɔn in yon bɔypikin.

Di Nɔmba Dɛm 13:30

We dɛn bin de tɔk, Kelɛb jɛs kɔt di wɔd na dɛn mɔt. I se, “Wi fɔ go mek wi go tek di land na dɛn an, bikɔs wi ebul fɔ du am.

Lɛta Fɔ Kɔlɔse 3:23

Ɛni tin we una de du una fɔ du am wit ɔl una at lɛkɛ se na Masta Jizɔs una de du am fɔ ɛn nɔto fɔ mɔtalman.

Di Sam Dɛm 119:80

Lɛ a obe yu lɔ dɛn wit ɔl mi at, lɛ shem ɛn disgres nɔ mit mi.

2 Kronikuls 25:2

I bin du wetin rayt na PAPA GƆD in yay, bɔt nɔto bin wit ɔl in at.

1 Kronikuls 29:18

PAPA GƆD we na Ebram, Ayzak ɛn Jekɔb we na wi papa dɛn, dɛn Gɔd, bin dɔn mek dɛn pipul ya gri sote go fɔ dɛn kayn tin ya na dɛn at, ɛn mek dɛn at de to yu.

1 Kronikuls 29:9

Di pipul dɛn gladi bikɔs dɛn dɔn gi wit ɔl dɛn at, ɛn na wit ɔl dɛn at dɛn gi fri wan to PAPA GƆD; Devid we na di kiŋ insɛf bin gladi bad bad wan.

Ditarɔnɔmi 6:5

dɛn fɔ lɛk PAPA GƆD wit ɔl dɛn at, wit ɔl dɛn sol ɛn wit ɔl dɛn trɛnk.

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Di Sam Dɛm 119:145

PAPA GƆD, a de opin mi at to yu; ansa mi, dɔn a go obe yu lɔ dɛn.

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.