Di Nɔmba Dɛm 14:22 - Krio Fɔs Oli Baybul

²² nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Di Nɔmba Dɛm 14:22 Referans Kwoze

Job 19:3

Una jɛs sidɔm de kɔs kɔs mi frɔm aw lɔŋ; una nɔ de shem fɔ jɛs de kɔs mi?

Di Sam Dɛm 106:26

We dɛn pasmak, i swɛ se i mɔs mek dɛn day na di ɛmti land we pɔsin nɔ go ebul tap.

Jɛnɛsis 31:7

Bɔt pan ɔl dat i rog am tɛn difrɛn tɛm we i de pe am, bɔt PAPA GƆD mek i nɔ ebul du am ɛnitin we bad pas dat.

Ɛksodɔs 32:1

We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

Ɛksodɔs 17:2

Nain di pipul dɛn bigin grɔmbul bak pan Mozis se i fɔ gi dɛn wata fɔ drink Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.

Di Ibru Pipul Dɛn 3:9

Gɔd se, Lɔntɛm, wɛn una granpapa-papa dɛn bin de na di dɛzat, dɛn bin de kɔmplen ɛn tray mi plɛnti tɛm fɔ si aw lɔŋ a go bia wit dɛn, pan ɔl we dɛn si wetin a bin du wɛn dɛn bin de fɔti ia na di dɛzat.

1 Kɔrint 10:9

Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn.

1 Kɔrint 10:5

Bɔt pan ɔl dat, Gɔd nɔ bin satisfay wit plɛnti pan dɛn, so di tɛm kam we dɛn dedebɔdi bin skata na di dɛzat.

Matyu 4:7

Jizɔs se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we nain Masta du wetin in want.’”

Malakay 3:15

Frɔm da tɛm de, dɛn de luk se, pipul we de kak gɛt blɛsin ɛn udat de du bad, bɛtɛ kin de fala am dɔn ɛnitɛm we dɛn tray PAPA GƆD, dɛn kin ebul rɔnawe pan in pɔnishmɛnt.

Di Sam Dɛm 106:14

Na di ɛmti land we pɔsin nɔ go ebul tap, na de dɛn bigin aŋri fɔ it ɔda tin dɛn; na de dɛn chalenj PAPA GƆD.

Di Nɔmba Dɛm 14:11

PAPA GƆD tɔk to Mozis. I se, “Dɛn pipul ya jɛs de trit mi ɛniaw. Dɛn nɔ de gri fɔ biliv mi pan ɔl di wɔnda we a dɔn ple, we dɛn dɔn si.

Ɛksodɔs 14:11

Dɛn kɔmplen bita wan to Mozis ɛn aks if bɛriŋrɔn nɔ de na Ijipt.

Jɛnɛsis 31:41

A de na yu os fɔ twɛnti ia. Fotin ia a bin de wok fɔ gɛt yu tu gyal pikin dɛn. Siks ia a de mɛn yu got ɛn ship dɛn, ɛn na tɛn tɛm yu kɔt mi pe.

Ɛksodɔs 5:21

Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”

Ɛksodɔs 15:24

Nain di pipul dɛn bigin grɔmbul pan Mozis se, dɛn nɔ gɛt wata fɔ drink.

Ɛksodɔs 16:2

Di pipul dɛn bigin grɔmbul pan Mozis ɛn Erɔn se,

Ɛksodɔs 17:3

Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.

Ɛksodɔs 17:7

Mozis gi da ples de nem “Masa” ɛn “Mɛriba” bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.

Di Nɔmba Dɛm 11:1

Di pipul dɛn bigin grɔmbul to PAPA GƆD bɔt di adship we dɛn de gɛt ɛn dat mek i vɛks pan dɛn bad. PAPA GƆD sɛn faya ɛn bɔn di kamp in ɛj.

Di Nɔmba Dɛm 11:4

Sɔm pipul we de fɛn trɔbul, we bin de wit dɛn bigin fɔ mek bɔku nɔys se dɛn aŋri fɔ it ɔda kayn it ɛn di Izrɛlayt dɛn bigin se dɛn wish dɛn bin gɛt bif fɔ it.

Di Nɔmba Dɛm 12:1

Miriam ɛn Erɔn bigin tɔk bɔt Mozis fɔseka di uman we i bin mared. Di uman na Kushayt.

Di Nɔmba Dɛm 14:2

Dɛn bigin grɔmbul pan Mozis ɛn Erɔn ɛn ɔlman we de de. Dɛn se i bin fɔ bɛtɛ if dɛn bin dɔn day na Ijipt ɔ na di ɛmti land we pɔsin nɔ go ebul tap.

Ditarɔnɔmi 9:7

I mɛmba dɛn we dɛn bin mek PAPA GƆD we na dɛn PAPA GƆD vɛks, we dɛn bin de na da ɛmti ples we pɔsin nɔ go ebul tap. I se frɔm we dɛn kɔmɔt Ijipt te dɛn rich usay dɛn bin dɔn rich so, dɛn nɔ bin de du wetin PAPA GƆD bin de tɛl dɛn fɔ du atɔl.

Di Sam Dɛm 78:41

Ɔl di tɛm, dɛn de tɛst PAPA GƆD; dɛn de mek di Oli PAPA GƆD we Izrɛl de wɔship, vɛks.

Daniɛl 1:20

Ɛn ɛni kayn kwɛshɔn we di kiŋ aks dɛn pan sɛns ɔ sabi, dɛn bin bɛtɛ tɛn tɛm pas ɔl di magik man ɛn di mɛrɛsin man dɛn na di kiŋ in kindɔm.

Di Nɔmba Dɛm 32:12

Mozis tɛl dɛn se, PAPA GƆD se dɛn nɔn, pas Kelɛb we na Jɛfunɛ we na Kɛnizayt in bɔypikin ɛn Jɔshwa we na Nɔn in yon bɔypikin bikɔs dɛn ɔltu fala am wit ɔl dɛn at.

Ayzaya 42:20

I de si bɔku tin, bɔt i nɔ de notis dɛn; in yes opin, bɔt i nɔ de yɛri.