Di Nɔmba Dɛm 14:19 - Krio Fɔs Oli Baybul

¹⁹ Bay di kayn beberebe lɔv we yu gɛt, fɔgiv yu pipul dɛn sin jɛs lɛk aw yu bin dɔn de fɔgiv dɛn frɔm we dɛn lɛf Ijipt.

Di Nɔmba Dɛm 14:19 Referans Kwoze

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Di Sam Dɛm 78:38

Pan ɔl dat, PAPA GƆD sho dɛn masi; i fɔgiv dɛn fɔ dɛn sin ɛn nɔ fala dɛn fɔ pwɛl dɛn. Ɔl di tɛm i de bia wit dɛn ɛn nɔ de gri mek i vɛks pan dɛn pasmak.

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Jems 5:15

If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Jona 3:10

Wɛn PAPA GƆD si ɔl wetin dɛn du; aw dɛn lɛf fɔ du bad, i sɔri fɔ we i bin tɔk se i go dɔnawe wit dɛn ɛn i nɔ du dɛn natin.

Daniɛl 9:19

PAPA GƆD duya, yɛri; PAPA GƆD, duya, sɔri fɔ wi; PAPA GƆD yɛri wi ɛn du sɔntin; nɔ wes tɛm, fɔ yu pipul dɛn sek, duya mi PAPA GƆD, bikɔs na yu nem de pan yu siti ɛn yu pipul dɛn.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

1 Kiŋ 8:34

ansa dɛn prea na ɛvin. Fɔgiv dɛn fɔ dɛn sin ɛn briŋ dɛn kam bak na di land we yu bin gi dɛn papa dɛn.

Ɛksodɔs 33:17

PAPA GƆD ansa Mozis. I se, “A go du wetin yu se bikɔs a no yu gud gud fashin ɛn a lɛk yu.”

Di Nɔmba Dɛm 23:21

I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Di Sam Dɛm 85:2

Yu bin dɔn fɔgiv wi sin dɛn. Yu bin dɔn padin dɛn ɔl.

Abakɔk 3:2

“PAPA GƆD, a dɔn yɛri bɔt wetin yu dɔn du, ɛn i ful mi mɔt ɛn mek a fred. Naw, we wi de so, du wetin yu bin dɔn du lɔntɛm; naw, we wi de so, lɛ ɔlman no bɔt wetin yu kin du. We yu vɛks sɛf, sɔri fɔ wi.

Emɔs 7:2

A si di lokɔs dɛn de it ɔl di grin plant dɛn na di land. Na de a beg se, “PAPA GƆD we na GƆD, duya fɔgiv yu pipul. Aw dɛn go liv? Dɛn so smɔl ɛn wik.”

Emɔs 7:5

Na de a tɔk se PAPA GƆD we na GƆD lɛf, aw di pipul go liv? Dɛn smɔl ɛn wik.