Di Nɔmba Dɛm 14:18 - Krio Fɔs Oli Baybul

¹⁸ yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Di Nɔmba Dɛm 14:18 Referans Kwoze

Di Sam Dɛm 145:8

PAPA GƆD gud ɛn i gɛt sɔri-at, i nɔ de vɛks kwik ɛn in lɔv beberebe.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Di Sam Dɛm 103:8

PAPA GƆD gɛt sɔri-at bad, i nɔ de vɛks kwik bɔt i rɛdi fɔ sho wi aw i lɛk wi.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ditarɔnɔmi 5:9

fɔ de wɔship, ɔ ivin butu, bikɔs in PAPA GƆD we na dɛn GƆD de jɛlɔs bad bad wan. I nɔ want nɔn rayval. We i dɔn jɛlɔs, i kin pɔnish di grampikin fɔ di grampa in sin. I kin ivin pɔnish gret grampikin ɔl, we i kam to di wan dɛn we et am,

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Di Nɔmba Dɛm 14:17

Na yu bin se,

Di Nɔmba Dɛm 23:21

I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Ditarɔnɔmi 5:10

bɔt ɔl di wan dɛn we lɛk am ɛn de du wetin i se, kin ɛnjɔy in lɔv to di tawzin tawzin jɛnareshɔn sɛf..

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Ditarɔnɔmi 7:10

Bɔt Mozis wɔn dɛn se PAPA GƆD nɔ de sɔri fɔ pipul dɛn we nɔ de gri yɛri in wɔd; I kin pɔnish dɛn bad bad wan.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Di Sam Dɛm 78:38

Pan ɔl dat, PAPA GƆD sho dɛn masi; i fɔgiv dɛn fɔ dɛn sin ɛn nɔ fala dɛn fɔ pwɛl dɛn. Ɔl di tɛm i de bia wit dɛn ɛn nɔ de gri mek i vɛks pan dɛn pasmak.

Di Sam Dɛm 108:4

Di lɔv we yu gɛt fɔ wi so bɔku dat i ivin pas usay ɛvin de if wi want fɔ mɛzhɔ am; yu fethfulnɛs in de te rich ɔp klawd.

Di Sam Dɛm 109:14

Lɛ PAPA GƆD mɛmba ɔl di bad tin dɛn we in papa dɛn du; ɛn nɔ ɛva fɔgiv in mama in sin.

Job 21:19

Una se PAPA GƆD go pɔnish dɛn pikin dɛn fɔ wetin dɛn du. Lɛ i pɔnish dɛnsɛf lɛ dɛn no se nain pɔnish dɛn.

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Lamɛnteshɔn 5:7

Wi papa dɛn we kɔmit di sin dɔn day; na wi de gɛt di pɔnishmɛnt.