Di Nɔmba Dɛm 14:14 - Krio Fɔs Oli Baybul

¹⁴ Dɛn go tɛl di pipul we tap na dis land bɔt dat. Di pipul dɛn bin dɔn yɛri bɔt aw yu, PAPA GƆD de wit dɛn pipul ya ɛn dat yu, PAPA GƆD de tɔk to dɛn fes to fes ɛn aw yu klawd de kɔba dɛn, dat yu de lid dɛn wit yu klawd santɛm ɛn wit yu faya we nɛt kam.

Di Nɔmba Dɛm 14:14 Referans Kwoze

Ɛksodɔs 15:14

Wɛn ɔda neshɔn dɛn yɛri wetin yu du, dɛn trimbul; Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.

Ditarɔnɔmi 5:4

bikɔs na to dɛn PAPA GƆD bin tɔk fes to fes insay da faya

Ɛksodɔs 33:11

Na so PAPA GƆD kin de tɔk to Mozis fes to fes lɛkɛ aw pɔsin kin tɔk to in padi. Wɛn Mozis kin tɔn in bak fɔ go, wan yɔŋ man we nem Jɔshwa, we na Nɔn in bɔypikin we nain asistant in kin lɛf insay di Tɛnt.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Di Sam Dɛm 78:14

I yuz klawd fɔ gayd dɛn de tɛm, dɔn na nɛt, i yuz faya fɔ gayd dɛn fɔ mek dɛn si rod.

Nɛimaya 9:19

Bikɔs yu gɛt sɔm kayn bad bad sɔri at, yu nɔ jɛs lɛf dɛn to dɛnsɛf di tɛm we dɛn de na di di ɛmti land we pɔsin nɔ go ebul tap. Yu nɔ giv ɔp pan dɛn. Ɛvride yu bin de yuz klawd fɔ gayd dɛn de tɛm ɛn faya fɔ gayd dɛn fɔ sho dɛn rod we nɛt kam.

Nɛimaya 9:12

Yu kin apia lɛkɛ klawd fɔ lid dɛn de tɛm ɛn lɛkɛ faya fɔ sho usay dɛn fɔ go we nɛt kam.

Jɔshwa 5:1

We ɔl di Amorayt kiŋ dɛn we bin de na di wɛst say na Riva Jɔdan ɛn ɔl di Kenanayt kiŋ dɛn we de nia di si yɛri se PAPA GƆD mek Riva Jɔdan dray fɔ di Izrɛlayt dɛn fɔ krɔs, ɛn i mek i dray te dɛn krɔs dɔn, dɛn ɔl at pwɛl ɛn dɛn nɔ bin gɛt op igen bikɔs dɛn de fred di Izrɛlayt dɛn.

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

Di Nɔmba Dɛm 10:34

PAPA GƆD in klawd bin de de wit dɛn ɛvride frɔm we di kamp muf.

Ɛksodɔs 40:38

Tru awt di tɛm we dɛn de travul, PAPA GƆD in klawd kin de oba di Tɛnt de tɛm, dɔn faya kin de insay de na nɛt.

Jɛnɛsis 32:30

Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day.

1 Kɔrint 13:12

Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud.

Jɔn 14:9

Jizɔs aks Filip se, “Pan ɔl we a dɔn de wit una ɔl dis tɛm, yu nɔ no mi? Ɛnibɔdi we dɔn si mi, dɔn si mi Papa. Wetin du yu se, ‘Sho wi yu Papa?’”

Di Sam Dɛm 105:39

I prɛd di klawd pan dɛn fɔ kɔba dɛn ɛn mek faya fɔ de sho dɛn layt na nɛt.

Ditarɔnɔmi 34:10

Wande Izrɛl nɔ gɛt prɔfɛt we tan lɛkɛ Mozis, we PAPA GƆD de tɔk to fes to fes,

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Ɛksodɔs 33:16

I aks PAPA GƆD se aw i want in ɛn di pipul dɛn fɔ no se i lɛk dɛn. I se if i lɛk dɛn lɛ i de wit dɛn, bikɔs na dat go mek dɛn difrɛn frɔm di ɔda neshɔn dɛn na di wɔl.

Ditarɔnɔmi 1:19

Mozis kɛri ɔn fɔ tɛl di Izrɛlayt dɛn ɔl wetin bin dɔn bi; I se we dɛn bin kɔmɔt Mawnt Saynay, dɛn bin si se dɛn bin pas insay da bad bad ɛmti ples we pipul nɔ go ebul tap we dɛn bin de go na di Amɔrayt dɛn kɔntri we de na dɛn il, jɛs lɛkɛ aw dɛn PAPA GƆD bin dɔn tɛl dɛn fɔ du; dɛn bin go na Kedɛsh Bania.

Ditarɔnɔmi 5:24

go tɛl am se PAPA GƆD we na dɛn PAPA GƆD dɔn sho dɛn aw i tan ɛn gɛt pawa ɛn dɛn dɔn yɛri in vɔys insay di faya. Na da de de nɔmɔ dɛn si PAPA GƆD tɔk to mɔtalman ɛn mɔtalman nɔ day.