Di Nɔmba Dɛm 14:11 - Krio Fɔs Oli Baybul

¹¹ PAPA GƆD tɔk to Mozis. I se, “Dɛn pipul ya jɛs de trit mi ɛniaw. Dɛn nɔ de gri fɔ biliv mi pan ɔl di wɔnda we a dɔn ple, we dɛn dɔn si.

Di Nɔmba Dɛm 14:11 Referans Kwoze

Di Sam Dɛm 106:24

Dat nɔ dɔn, dɛn nɔ gri go insay di land we i prɔmis se go bi dɛn yon; dɛn nɔ biliv wetin i se.

Di Sam Dɛm 78:32

Pan ɔl we PAPA GƆD du so, dɛn stil kɔntinyu fɔ sin; wit ɔl di wɔndaful tin dɛn we i de du, dɛn stil nɔ biliv am.

Di Sam Dɛm 78:22

fɔ we dɛn nɔ biliv am ɛn abop se i go sev dɛn.

Ditarɔnɔmi 1:32

I se pan ɔl di tɔk we i tɔk to dɛn, dɛn bin stil nɔ biliv PAPA GƆD we na dɛn GƆD,

Di Ibru Pipul Dɛn 3:8

una lisin am, una nɔ traŋayes lɛkɛ aw una pipul dɛn bin traŋayes lɔntɛm, wɛn Gɔd bin tray dɛn na di dɛzat, dɛn nɔ bin gri mek Gɔd rul dɛn.

Jɔn 12:37

Pan ɔl we Jizɔs bin dɔn du ɔl dɛn wɔndaful wok ya we di pipul dɛn si fɔ dɛnsɛf, dɛn nɔ biliv pan Jizɔs.

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Di Nɔmba Dɛm 14:23

go ɛva si di land we a prɔmis dɛn fɔstɛm pipul ɛn swɛ se a go gi to dɛn. Dɛn nɔn we biev ɛniaw to mi nɔ go si da land de.

Di Ibru Pipul Dɛn 3:18

Udat na di pipul dɛn we Gɔd bin prɔmis se, nɔ go go na di ples we i de ɛn dɛn nɔ go sidɔm blo? Gɔd bin de tɔk bɔt dɛn pipul we nɔ bin du wetin i tɛl dɛn fɔ du.

Di Ibru Pipul Dɛn 3:16

Udat na di pipul dɛn we bin yɛri Gɔd in vɔys, bɔt dɛn nɔ bin gri fɔ mek i rul dɛn? Na ɔl dɛn pipul we na bin slev na Ijipt, we Mozis bin fri.

Ɛksodɔs 16:28

PAPA GƆD tɔk to Mozis. I se, “Wetin mek di pipul dɛn nɔ de obe mi kɔmandmɛnt ɛn mi lɔ dɛn?

Jɔn 15:24

Dɛn nɔ bin fɔ no se Gɔd go mak dɛn fɔ dɛn sin if, di tɛm we a bin de wit dɛn, a nɔ bin du ɔl dɛn tin we nɔbɔdi nɔ du wande; bɔt dɛnsɛf dɔn si wetin a du, ɛn pan ɔl dat, dɛn nɔ lɛk mi ɛn mi Papa.

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Mak 9:19

Jizɔs se, “Una dɛn tide pipul ya, una nɔ biliv, aw lɔŋ una want mek a de wit una bifo una go biliv? Aw lɔŋ a fɔ bia wit una? Una briŋ di bɔbɔ kam to mi!” Dɛn kɛr di bɔbɔ go to Jizɔs.

Matyu 17:17

Jizɔs se, “Una dɛn tide pipul ya nɔ biliv mi ɛn una traŋayes. Aw lɔŋ a go de wit una? Aw lɔŋ a fɔ bia wit una? Briŋ di pikin kam to mi.”

Zɛkaraya 8:14

PAPA GƆD Ɔlmayti se, lɛk aw i bin tɛl dɛn fɔstɛm-papa dɛn se in go pɔnish dɛn we i vɛks, di tɛm we dɛn bin ambɔg am ɛn i nɔ sɔri fɔ dɛn,

Ozie 8:5

I se in nɔ want di kaw pikin we dɛn mek na Sameria. Dat go mek i de vɛks mɔ ɛn mɔ. I aks se if Izrɛl go jɛs de pan da kayn layf de nɔmɔ.

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Prɔvabs 1:22

“Fulish pipul! Aw lɔŋ una go de pan fulishnɛs? Aw lɔŋ una nɔ go de tek natin mek natin? Una nɔ de lan sɛns?

Di Sam Dɛm 95:8

“nɔ mek traŋa at pan am lɛkɛ aw dɛn pipul na Mɛriba bin biev; ɔ lɛk aw dɛn bin biev we dɛn de na Masa

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 32:9

A dɔn si se dɛn pipul yaso na pipul dɛn we gɛt traŋa at,

Di Nɔmba Dɛm 32:10

Dat bin mek PAPA GƆD vɛks bad ɛn swɛ se,

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Izikɛl 20:13

Bɔt Izrɛl bin ribɛl agens mi na di say we ɛmti ɛn dray we natin nɔ de; dɛn nɔ bin du wetin mi lɔ se, bɔt tɔn dɛn bak pan mi kɔmand dɛm, we na we mɔtalman du dɛm dɛn go gɛt lɔŋ layf; dɛn disrɛspɛkt mi de fɔ blo ɛn rɛst bad bad wan. So a bin tink se a fɔ put mi vɛksteshɔn pan dɛn na di ɛmti ples we natin nɔ de, so dat dɛn ɔl go day.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.