Di Nɔmba Dɛm 14:10 - Krio Fɔs Oli Baybul

¹⁰ We dɛn dɔn tɔk dɔn, di Izrɛlayt dɛn bigin tɔk se, dɛn fɔ ston dɛn te dɛn day. Wantɛm nain PAPA GƆD apia na di Tɛnt we in ɛn Mozis kin mit to ɔl di Izrɛlayt dɛn.

Di Nɔmba Dɛm 14:10 Referans Kwoze

Ɛksodɔs 17:4

So Mozis insɛf pre to PAPA GƆD ɛn tɛl am se in nɔ no wetin fɔ du wit di pipul dɛn bikɔs dɛn wan ston am fɔ kil am.

Lɛvitikɔs 9:23

Mozis ɛn Erɔn go insay di tɛnt usay dɛn kin mit PAPA GƆD; ɛn wɛn dɛn kɔmɔt na do, dɛn ɔltu blɛs di pipul dɛn bak ɛn di brayt brayt layt we de sho se PAPA GƆD de wit dɛn bɔs pan dɛn ɔl.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Matyu 23:37

“Jerusɛlɛm, Jerusɛlɛm, oya, oya, una de kil dɛn prɔfɛt ɛn ston dɛn mɛsenja we Gɔd sɛn to una! Plɛnti tɛm a kin want gɛda una rawnd mi, lɛkɛ aw kombra fɔl de gɛda in pikin dɛn ɔnda in fɛda, bɔt una nɔba gri!

1 Samiɛl 30:6

Devid in at nɔ bin swit bikɔs in yon man dɛn bin dɔn bigin tɔk bɔt fɔ ston am mek i day; dɛn ɔl bin dɔn vɛks bad as dɛn bin kɛr ɔl dɛn bɔy ɛn gyal pikin dɛn go. Bɔt Devid kɔntinyu fɔ luk ɔp to PAPA GƆD we nain PAPA GƆD.

Di Nɔmba Dɛm 20:6

Mozis ɛn Erɔn kɔmɔt usay di Izrɛlayt dɛn gɛda go na di Tɛnt usay dɛn kin mit PAPA GƆD in domɔt. Dɛn bɛn dɛn ed dɔŋ, dɔn PAPA GƆD apia to dɛn.

Di Nɔmba Dɛm 16:42

Di tɛm we dɛn gɛda fɔ mek kɔnfyushɔn pan Mozis ɛn Erɔn dɛn bin tɔn to di Tɛnt usay dɛn kin mit PAPA GƆD nain wantɛm dɛn si klawd kɔba am ɛn PAPA GƆD in glori kam dɔŋ.

Di Nɔmba Dɛm 16:19

Wɛn Kora dɔn gɛda in gɛŋ we de pan di kuskas na di Tɛnt usay dɛn kin mit PAPA GƆD in domɔt, PAPA GƆD in glori jɛs bɔsawt to dɛn ɔl.

Ɛksodɔs 16:7

bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du.

Apɔsul Dɛn Wok 7:59

Wɛn dɛn bin de ston am, Stivin pre se, “Masta Jizɔs, tek mi layf!”

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Ɛksodɔs 40:34

PAPA GƆD apia lɛkɛ klawd we tan lɛkɛ fɔg oba di Tɛnt. I kɔba di wanol ples.

Di Nɔmba Dɛm 17:7

Mozis go put dɛn bifo PAPA GƆD na di Tɛnt lɛkɛ aw i se.