Di Nɔmba Dɛm 13:33 - Krio Fɔs Oli Baybul

³³ Wi si Anak in jɛnareshɔn dɛn de ɛn wi bin jɛs fiba yɔni to dɛn ɛn to wisɛf.

Di Nɔmba Dɛm 13:33 Referans Kwoze

Ditarɔnɔmi 1:28

I se di Izrɛlayt dɛn se if na da ples de dɛn fɔ go, we dɛn brɔda dɛn dɔn tɛl dɛn bad bad tin dɛn bɔt, tin dɛn we mek dɛn fred. We dɛn se di pipul dɛn ay ay pas dɛn, ɛn di wɔl dɛn we de rawnd di siti ay te dɛn de rich di skay, ɛn na jayant dɛn de de.

Ayzaya 40:22

Nain sidɔm pantap di wɔl, ɛn di wan dɛn we de na di wɔl tan lɛk grasɔpa; in we opin di skay lɛk winda kɔtin, ɛn prɛd dɛn lɛk tɛnt fɔ tap;

Jɛnɛsis 6:4

Da tɛm de, ɛn ivin afta dat, di pikin dɛn we di enjɛl dɛn bin de bɔn wit dɛn uman we dɛn bin mared, na bin jayant dɛn. Na dɛn sem wan bi big bigman dɛn ɛn dɛn bin femɔs.

1 Samiɛl 17:42

We di Filistin luk gud, i si se na wan smɔl bɔbɔ we rɔju ɛn fayn fɔ luk de go mit am, dat mek i sɔktit.

Ditarɔnɔmi 9:2

Pipul dɛn kin tɔk se nɔbɔdi nɔ go ebul fɛt dɛn bikɔs dɛn na pipul dɛn we ay ay ɛn traŋa; dɛn na jayant dɛn.

Ditarɔnɔmi 3:11

Dɛn bin bɛr Kiŋ Beshan wit ston kɔfin we bin 3 fut 11 inchis wayd. I stil de na Aman na Jɔdan. Nain wan bin lɛf pan di balans jayant dɛn we dɛn bin de kɔl di Refaim dɛn.

1 Kronikuls 11:23

Ɛn i kil wan big ay Ijipshian we in ayt na bin sɛvin ɛn af fut. Di Ijipshian in spia we i bin ol bin tik lɛk mata pɛnsul; bɔt Bɛnaya go dɔŋ go mit am wit tik we tan lɛk fufu tik ɛn jɔg di spia kɔmɔt na di Ijipshian in an, ɛn kil am wit in yon spia.

Ditarɔnɔmi 2:10

Na dɛn jayant dɛn we dɛn bin de kɔl di Ɛmim dɛn bin de na da land de. Dɛn bin b bɔku ɛn gɛt pawa ɛn bin ay ay lɛkɛ di Anakim dɛn.

Di Nɔmba Dɛm 13:22

Dɛn pas insay di Nɛgɛv ɛn kam to Ɛbrɔn usay Aiman, Shishay ɛn Talmay we na Anak in jɛnareshɔn dɛn tap. Ɛbrɔn na ples we dɛn bil sɛvin ia bifo Zoan na Ijipt.

Di Nɔmba Dɛm 13:28

Bɔt nɔ fɔ jok wit di pipul dɛn we tap de o! Ɛn dɛn bil wɔl dɛn rawnd dɛn big siti dɛn we big tumɔs. Wi ivin si sɔm pan Anak in jɛnareshɔn dɛn.

Di Nɔmba Dɛm 14:1

Da nɛt de ɔl di Izrɛlayt dɛn bigin kray ɛn ala lawd lawd wan.

Jɔshwa 11:21

Na datɛnde Jɔshwa dɛn bin kil ɔl dɛn jayant dɛn we dɛn bin de kɔl Anakim we bin de na di siti dɛn we de na di il; dat na frɔm Ɛbrɔn, Dabi, Anab ɛn ɔl di siti dɛn we de na di il dɛn na Juda ɛn Izrɛl. Jɔshwa dɛn kil dɛn ɔl ɛn nyakanyaka dɛn siti dɛn.

Jɔshwa 14:12

I se i go gud fɔ lɛ Jɔshwa gian di kɔntri dɛn na di il bikɔs i bin de da de de ɛn bin yɛri we PAPA GƆD bin de tɔk bɔt dɛn se, na jayant dɛn de de we bil ay ay wɔl dɛn rawnd dɛn siti dɛn. Kelɛb se sɔntɛnde, PAPA GƆD go ɛp an drɛb dɛm kɔmɔt de bikɔs na so PAPA GƆD bin se.

Jɔshwa 15:14

Na di Shɛshay, di Aiman ɛn di Talmay fambul dɛn we na Anak in layn dɛn kɔmɔt bin de de datɛnde. Kelɛb drɛb dɛn ɔl kɔmɔ de ɛn tek de fɔ insɛf.

1 Samiɛl 17:24

Wɛn di Izrɛlayt dɛn si di man, dɛn ɔl rɔn kɔmɔt nia am wit fred.