Di Nɔmba Dɛm 13:26 - Krio Fɔs Oli Baybul

²⁶ Dɛn go bak to Mozis ɛn Erɔn ɛn di wanol Izrɛlayt kɔmyuniti we bin de nia Kedɛsh na di ɛmti land we pɔsin nɔ go ebul tap na Paran. Dɛn ripɔt to ɔlman ɛn sho dɛn di frut dɛn we dɛn briŋ kam.

Di Nɔmba Dɛm 13:26 Referans Kwoze

Di Nɔmba Dɛm 32:8

I tɛl dɛn se na da sem tin de dɛn fɔstɛm-papa dɛn bin du di tɛm we i bin sɛn dɛn fɔ go wach di land frɔm Kedɛsh Bania.

Di Nɔmba Dɛm 20:1

Insay di fɔs mɔnt nain di wanol Izrɛlayt kɔmyuniti rich na di ɛmti land we pɔsin nɔ go ebul tap na Zin ɛn dɛn tap na Kedɛsh. Na de dɛn de we Miriam day ɛn dɛn bɛr am de.

Ditarɔnɔmi 1:19

Mozis kɛri ɔn fɔ tɛl di Izrɛlayt dɛn ɔl wetin bin dɔn bi; I se we dɛn bin kɔmɔt Mawnt Saynay, dɛn bin si se dɛn bin pas insay da bad bad ɛmti ples we pipul nɔ go ebul tap we dɛn bin de go na di Amɔrayt dɛn kɔntri we de na dɛn il, jɛs lɛkɛ aw dɛn PAPA GƆD bin dɔn tɛl dɛn fɔ du; dɛn bin go na Kedɛsh Bania.

Di Nɔmba Dɛm 33:36

Dɛn lɛf Iziɔn Geba go kamp na di di ɛmti land we pɔsin nɔ go ebul tap na Zin na Kedɛsh.

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

Jɔshwa 14:6

Bifo Jɔshwa sheb di land na di wɛst pat na Riva Jɔdan gi di ɔda fambul dɛn, Jɛfunɛ, wan Kɛnizayt in pikin, Kelɛb, ɛn sɔm pipul dɛn na di Juda fambul go mit Jɔshwa na Gilgal usay di Izrɛlayt dɛn bin kamp, ɛn tɛl an se i fɔ mɛmba wetin PAPA GƆD bin tɛl Mozis we na bin Man ɔf PAPA GƆD, bɔt dɛn tu, dat nain Kelɛb ɛn Jɔshwa na Kadɛsh Banɛa.

Jɛnɛsis 14:7

dɔn dɛn tɔn bak na Ɛnmishpat, we naw na Kedɛsh. Dɛn siz ɔl di Amalɛkayt dɛn land dɛn, ɛn usay di Amɔrayt dɛn bin de na Azazɔn Tama.

Di Nɔmba Dɛm 13:25

Afta dɛn dɔn wach aw di ples tan fɔ foti de, dɛn tɔn bak.

Di Nɔmba Dɛm 20:14

Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.

Ditarɔnɔmi 1:2

Na ilɛvin de pɔsin go tek fɔ waka frɔm Mawnt Saynay to Kedɛsh Bania, dat na if i pas bay Idɔm.

Di Sam Dɛm 29:8

PAPA GƆD in vɔys de shek ɛni ɛmti land we pɔsin nɔ go ebul tap; ivin di ɛmti land we pɔsin nɔ go ebul tap na Kedɛsh.

Di Nɔmba Dɛm 13:3

So Mozis du jɛs lɛkɛ aw PAPA GƆD tɛl am, ɛn sɛn dɛn go frɔm di ɛmti land we pɔsin nɔ go ebul tap na Paran.

Di Nɔmba Dɛm 32:9

I tɛl dɛn bɔt aw afta dɛn bin dɔn pas na di Ɛshkɔl Vali fɔ wach di land, dɛn pwɛl di ɔda Izrɛlayt dɛn at ɛn nɔ mek dɛn want fɔ go na di land we PAPA GƆD bin dɔn gi dɛn.

Jɔshwa 14:7

Kelɛb tɛl an se in bin ol fɔti ia we di tɛm we dɛn bin de Kadɛsh Banɛa we Mozis bin sɛn an go wach aw Kenan tan, ɛn we in bin go bak to Mozis, i nɔ bin lay gi am bɔt di land.