Di Nɔmba Dɛm 13:20 - Krio Fɔs Oli Baybul

²⁰ I se dɛn fɔ luk aw di grɔn we dɛn de plant tan, if i fayn fɔ plant ɔ if i nɔ gud, if tik dɛn de de ɔ if dɛn nɔ de. I se dɛn fɔ tray fɔ tek sɔm pan di frut dɛn we de gro na di land we dɛn de tɔn bak. Di tɛm we dɛn bin de go na di sizin fɔ avɛst di fɔs greps dɛn we rɛp.

Di Nɔmba Dɛm 13:20 Referans Kwoze

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Izikɛl 34:14

A go fid dɛn wit rich gras, ɛn dɛn rich gras ya go de pantap Izrɛl ay mawnten dɛm; na de dɛn go lidɔm na di ples we gɛt gud gud gras fɔ it, ɛn dɛn go fid pan di gud rich gras pan di Izrɛl mawnten dɛm.

Nɛimaya 9:35

Di tɛm dɛnsɛf we dɛn bin gɛt dɛn yon kiŋ, ɛn de ɛnjɔy yu blɛsin na di big, fri ɛn gud land we yu gi dɛn, dɛn nɔ bin bisin bɔt yu. Dɛn lɛf fɔ sav yu ɛn nɔ lɛf di bad bad tin dɛn we dɛn bin de du.

Nɛimaya 9:25

Dɛn siz siti dɛn we gɛt tɔf sikyɔriti ɛn rich land dɛn; dɛn tek ova os dɛn we ful wit ɔlkayn gud tin, wɛl dɛn we dɛn dɔn dig, fam dɛn we kin pul wayn frɔm di greps, tik dɛn wit ɔliv ɛn ɔda frut de wɔp. Dɛn it te dɛn bɛlful. Dɛn it gud it dɛn we mek dɛn bɔdi fayn so dɛn bin jɛs de ɛnjɔy dɛnsɛf wit yu blɛsin.

Di Ibru Pipul Dɛn 13:6

Na dat mek wi shɔ bɔt wetin wi de tɔk wɛn wi se, “Na Gɔd de ɛp mi ɔltɛm, natin nɔ go mek a fred, bikɔs mɔtalman nɔ gɛt ɛni pawa fɔ du mi bad.”

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

1 Kronikuls 22:11

So, mi pikin, lɛ PAPA GƆD de wit yu, so dat yu go ebul fɔ bil PAPA GƆD we na yu Gɔd in os jɛs lɛk aw i dɔn tɔk bɔt yu.

Jɔshwa 2:3

Nain di kiŋ na Jɛriko sɛn wɔd to Reab se, mek i put di man dɛn we kam nain os, na do bikɔs dɛn go de fɔ go wach aw di land tan.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Ditarɔnɔmi 1:25

We dɛn bin kam bak, dɛn bin kam wit sɔm pan di frut dɛn we bin de gro na di land ɛn bin tɛl dɛn se di land we PAPA GƆD we na dɛn PAPA GƆD de gi dɛn, na land we gud fɔ plant.

Di Nɔmba Dɛm 13:19

I se dɛn fɔ wach aw di grɔn tan usay dɛn tap, if i fayn ɔ i nɔ fayn, aw dɛn siti dɛn tan, if dɛn mek wɔl rawnd di siti ɔ if i nɔ gɛt wɔl.

Ditarɔnɔmi 1:24

Dɛn bin go ɔp di kɔntri we de na il go wach wach te rich di dray Ɛshkɔl Vali.

Daniɛl 11:24

Ɛn i go gɛt mɔ pawa wit pipul dɛn we nɔ plɛnti. Di tɛm we nɔbɔdi nɔ de tink, i go kam na di say we jɛntri pas ɔlsay na di kɔntr; ɛn in go du wetin in papa dɛn ɛn in papa dɛn papa dɛn nɔ bin du; i go sheb tin dɛn we dɛn tif tin dɛn we dɛn kapchɔ we dɛn go fɛt, ɛn ɔda tin dɛn gi di pipul dɛn we dɛn bin ebul tek. I go mek plan fɔ pwɛl di barik dɛn, bɔt dat nɔ go las lɔŋ.

Jɔshwa 2:1

We di Izrɛlayt dɛn bin kamp na Akeshia, Jɔshwa we na Nɔn in pikin sɛn tu man fɔ go ayd wach Kenan aw i tan. We dɛn go na Kenan, dɛn go tap na wan rare gyal we nem Reab in os.