Di Nɔmba Dɛm 13:19 - Krio Fɔs Oli Baybul

¹⁹ I se dɛn fɔ wach aw di grɔn tan usay dɛn tap, if i fayn ɔ i nɔ fayn, aw dɛn siti dɛn tan, if dɛn mek wɔl rawnd di siti ɔ if i nɔ gɛt wɔl.

Di Nɔmba Dɛm 13:19 Referans Kwoze

Di Nɔmba Dɛm 13:18

I se dɛn fɔ wach aw di ples tan, if di pipul dɛn we tap de gɛt trɛnk ɔ if dɛn na daydo ɛn if dɛn plɛnti ɔ nɔ plɛnti.

Di Nɔmba Dɛm 13:20

I se dɛn fɔ luk aw di grɔn we dɛn de plant tan, if i fayn fɔ plant ɔ if i nɔ gud, if tik dɛn de de ɔ if dɛn nɔ de. I se dɛn fɔ tray fɔ tek sɔm pan di frut dɛn we de gro na di land we dɛn de tɔn bak. Di tɛm we dɛn bin de go na di sizin fɔ avɛst di fɔs greps dɛn we rɛp.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.