Di Nɔmba Dɛm 12:3 - Krio Fɔs Oli Baybul

³ Mozis na bin man we nɔ gɛt prɔblɛm. Na bin pɔsin we put insɛf dɔŋ pas ɔlman we liv na di wɔl.

Di Nɔmba Dɛm 12:3 Referans Kwoze

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Jems 3:13

Uswan pan una de we gɛt sɛns ɛn we ɔndastand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔndastand.

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

2 Kɔrint 11:5

A nɔ tink se dɛn una spɛshal “apɔsul” ya du bɛtɛ wok pas mi atɔl!

Matyu 5:5

“Dɛn wan we put dɛn yay dɔŋ, gɛt blɛsin, bikɔs dɛn go gɛt wetin Gɔd prɔmis!

Pita In Fɔs Lɛta 3:4

Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go.

Fɔs Lɛta Fɔ Tɛsalonayka 2:7

We wi na Krays in apɔsul dɛn, wi bin gɛt di rayt fɔ tɛl una fɔ du sɔntin fɔ wi, bɔt wi go kɛlɛkɛlɛ wit una lɛkɛ aw kombra kin bayo bayo in pikin dɛn.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Di Sam Dɛm 147:6

Na PAPA GƆD de ɛp udat de dɔŋ fɔ grap bɔt i go mek di bad man lɛf na grɔn.

Di Nɔmba Dɛm 12:4

Wantɛm, wantɛm nain PAPA GƆD tɛl Mozis, Erɔn ɛn Miriam fɔ go na di Tɛnt go mit am. So dɛn ɔl tri go de.