Di Nɔmba Dɛm 11:25 - Krio Fɔs Oli Baybul

²⁵ Dɛn PAPA GƆD apia insay klawd ɛn tɔk to am, dɔn i tek di sem spirit we Mozis gɛt put am pan di sɛvinti bigman we i pik fɔ bi lida. Wɛn dɛn fil di Spirit, dɛn bigin tɔk PAPA GƆD wɔd bɔt dɛn nɔ du so igen afta da tɛm de.

Di Nɔmba Dɛm 11:25 Referans Kwoze

Di Nɔmba Dɛm 11:17

A go kam dɔŋ kam tɔk to yu, ɛn a go tek di sem kayn spirit we yu gɛt ɛn put am pan dɛn. Dɛn go ɛp yu fɔ de tot di lod we di pipul dɛn gɛt so yu nɔ go gɛt fɔ de tot am yu wan.

1 Samiɛl 10:10

Wɛn Sɔl ɛn in bɔy rich Gibia, dɛn mit wan grup prɔfɛt dɛn de pas ɛn PAPA GƆD in Spirit kam pan Sɔl ɛn i jɔyn di prɔfɛt dɛn ɛn bigin tɔk PAPA GƆD wɔd.

Di Nɔmba Dɛm 12:5

PAPA GƆD apia insay klawd na di Tɛnt in domɔt ɛn kɔl Erɔn ɛn Miriam. We dɛn ɔltu go tinap bifo,

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

2 Kiŋ 2:15

Di prɔfɛt dɛn we kɔmɔt Jɛriko bin de wach; wɛn dɛn si Ilaɛlsha, dɛn ɔl bigin tɔk se na Ilayja in spirit dɔn kam pan Ilaɛlsha; dɔn dɛn ɔl go mit am baw to am,

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

1 Kɔrint 14:32

Pɔsin we Gɔd gi di pawa fɔ tɔk in mɛsej fɔ ebul kɔntrol wetin i de tɔk,

Apɔsul Dɛn Wok 11:28

Wan pan dɛn prɔfɛt ya bin nem Agabɔs. Gɔd in Spirit bin tɛl am fɔ tɔk bɔt di bad aŋri we bin gɛt fɔ kam na wɔl. Dis bad aŋri bin kam da tɛm we Klɔdiɔs bin de rul na Rom.

Di Sam Dɛm 99:7

Wɛn Mozis ɛn Erɔn pre, PAPA GƆD tɔk to dɛn frɔm di klawd; dɛn kip in lɔ ɛn du ɔl wetin i tɛl dɛn fɔ du.

Ɛksodɔs 40:38

Tru awt di tɛm we dɛn de travul, PAPA GƆD in klawd kin de oba di Tɛnt de tɛm, dɔn faya kin de insay de na nɛt.

Ɛksodɔs 34:5

PAPA GƆD kam dɔŋ insay di klawd ɛn tinap de wit am. Dɛn PAPA GƆD kɔl in oli nem Gɔd.

Di Nɔmba Dɛm 27:18

PAPA GƆD tɛl Mozis se, “Tek Jɔshwa we na Nɔn in bɔypikin, na man we gɛt PAPA GƆD in spirit insay am ɛn put yu an nain ed.

Di Jɔj Dɛm 3:10

PAPA GƆD in spirit kam pan an ɛn i bi Izrɛl dɛn lida, dɔn i go fɛt Kiŋ Kushan Rishataim na Mɛsopotemia, ɛn PAPA GƆD mek i bit am.

Ayzaya 63:11

Naim I mɛmba di lɔntɛm we Mozis na bin in wokman, We di pɔsin we pul di ship dɛn shɛpad dɛn kɔmɔt insay di si? We di wan we put in oli Spirit pan dɛm,

Izikɛl 8:11

Sɛvinti bigman na Izrɛl bin tinap bifo dɛn tin ya, ɛn Jeazanaya we na Shafan in bɔypikin, insɛf bin tinap de. Ɔlman bin ol wan smɔl pɔt nain an we i bin de bɔn insɛns, ɛn di insɛns in smok bin de go ɔp.

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Di Nɔmba Dɛm 16:25

Mozis grap go to Detan ɛn Abiram ɛn di bigman dɛn na Izrɛl fala am.

Di Nɔmba Dɛm 24:2

Wɛn Belam luk de i si di Izrɛlayt dɛn de na dɛn kamp ɛn dɛn bin de na grup bay na dɛn difrɛn fambul. Nain PAPA GƆD in Spirit kam pan am

Nɛimaya 9:20

Yu gɛt klin at fɔ dɛn so yu bin de tɛl dɛn wetin fɔ du ɔltɛm. Yu nɔ se yu nɔ go sɛn mana, di bred we dɛn bin de it frɔm ɛvin, ɛn yu nɔ go gi dɛn wata fɔ drink we dɛn tɔsti.