Di Nɔmba Dɛm 11:23 - Krio Fɔs Oli Baybul

²³ PAPA GƆD ansa am se, “Ɛnitin de we a nɔ ebul du? Yu go si wetin a go du. If wetin a se nɔ bi, pa!

Di Nɔmba Dɛm 11:23 Referans Kwoze

Ayzaya 59:1

Luk, PAPA GƆD in an nɔ shɔt fɔ mek I nɔ ebul sev; ɔ in yes nɔ kɔk we I nɔ go ebul yɛri;

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Izikɛl 12:25

Bɔt mi we na PAPA GƆD go tɔk di wɔd we a go tɔk, ɛn i go bi. PAPA GƆD se, ‘i nɔ go te igen, bɔt na una tɛm, una dɛn pipul dɛn we nɔ de gri yɛri wɔd, a go tɔk di wɔd ɛn du am.’

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Lyuk 1:37

Natin nɔ de we Gɔd nɔ ebul du!”

Matyu 19:26

Jizɔs luk dɛn gud ɛn se, “Mɔtalman nɔ ebul du dat, bɔt Gɔd ebul du ɔltin.”

Izikɛl 24:14

Na mi PAPA GƆD dɔn tɔk so: ɛn i go bi, A go du am; A nɔ go chenj mi maynd, ɛn A nɔ go sɔri fɔ ɛnibɔdi, A nɔ go rigrɛt; A go jɔj una bay aw una de biev ɛn bay wetin una du. Na so Papa Gɔd we na Gɔd se.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Mayka 2:7

Dɛn aks Mayka se if i want tɛl dɛn se PAPA GƆD nɔ de peshɛnt wit Jekɔb in jɛnareshɔn. Dɛn se PAPA GƆD nɔ tan so, i nɔ de vɛks kwik pan pipul dɛn, so i nɔ go du ɔl wetin Mayka se i go du. PAPA GƆD de trit udat de waka tret wit am, fayn.

Di Sam Dɛm 78:41

Ɔl di tɛm, dɛn de tɛst PAPA GƆD; dɛn de mek di Oli PAPA GƆD we Izrɛl de wɔship, vɛks.

2 Kiŋ 7:2

Na de di kiŋ in pasɔnal asistant tɛl di prɔfɛt se i lɛk sɛf PAPA GƆD opin ɛvin lɛ ren kam, dat nɔ go bi. Ilaɛlsha ansa am se i go si am so wit in yay bɔt in mɔt nɔ go tes am.

Di Nɔmba Dɛm 11:22

Usay dɛn go gɛt dɛn animal de fɔ kil? Dɛn nɔ go ebul gɛt bɛtɛ sɛf if na ɔl di fish dɛn na wata, yu kech fɔ dɛn.

Jɛrimaya 14:9

Wetin mek yu fɔ tan lɛkɛ pɔsin we kɔnfyus, lɛkɛ pawaful man we nɔ ebul sev pɔsin? Bɔt stil, yu PAPA GƆD, de wit wi, ɛn na yu gɛt wi; duya, nɔ lɛf wi.”

Daniɛl 6:20

Wɛn i kam nia di ol we Daniɛl bin de, i ala lawd wan wit bɔku pen nain vɔys se, “Daniɛl, PAPA GƆD we de sote go we na yu PAPA GƆD we yu de wok fɔ ɔl tɛm, i bin ebul fɔ sev yu frɔm di layɔn dɛn?”

Ɛksodɔs 6:1

PAPA GƆD ansa Mozis I se, “Yu go si wetin a go du wit di kiŋ. A go fos am fɔ mek i lɛf di pipul dɛn fɔ go. Wetin a go du, go mek na drɛb i go drɛb dɛn fɔ kɔmɔt na di kɔntri.

2 Kiŋ 4:43

Ilaɛlsha in wokman aks am aw fɔ sheb di it to wan ɔndrɛd mɔtalman. Bɔt Ilaɛlsha tɛl am se lɛ i jɛs gi di pipul dɛn nɔmɔ lɛ dɛn it, bikɔs PAPA GƆD se dɛn go it ɛn wɛrɛ go lɛf. Di wokman insɛf sheb di it.

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛrimaya 32:27

‘A de tɛl una, na mi na PAPA GƆD di Gɔd fɔ ɔl mɔtalman; ɛnitin de we traŋa fɔ mi fɔ du?