Di Nɔmba Dɛm 10:35 - Krio Fɔs Oli Baybul

³⁵ Ɛnitɛm we di Kɔvinant Bɔks kin de muf, Mozis kin se “PAPA GƆD grap, mek yu ɛnimi dɛn rɔnawe. Lɛ ɔl udat nɔ lɛk yu, rɔnawe.

Di Nɔmba Dɛm 10:35 Referans Kwoze

Ayzaya 51:9

Grap o, grap, pik trɛnk, E PAPA GƆD in pawa; grap, lɛk aw yu bin de du fɔstɛm, fɔ di jɛnareshɔn dɛn lɔntɛm. Nɔto yu bin kɔt Reab pis pis, we bin chuk di dragɔn?

Di Sam Dɛm 132:8

PAPA GƆD, grap mek yu go usay yu tap, yu ɛn di ak we de sho se yu gɛt pawa

Ditarɔnɔmi 32:41

if a shap mi shayn sɔd we a bigin gi jɔjmɛnt, a go rivɛnj pan mi ɛnimi dɛn, ɛn pɔnish di wan dɛn we et mi.

Ditarɔnɔmi 7:10

Bɔt Mozis wɔn dɛn se PAPA GƆD nɔ de sɔri fɔ pipul dɛn we nɔ de gri yɛri in wɔd; I kin pɔnish dɛn bad bad wan.

1 Samiɛl 4:3

Wɛn di balans Izrɛlayt sojaman dɛn go bak usay dɛn de kamp, di bigman dɛn aks dɛnsɛf wetindu PAPA GƆD mek di Filistin dɛn win dɛn bad wan so. Dɛn se dɛn fɔ go tek di ak ɔf di Kɔvinant na Shaylɔ kam de wit dɛn. Dɛn se, di ak we go sho se PAPA GƆD de wit dɛn, go ɛp dɛn fɔ win di Filistin dɛn.

Di Sam Dɛm 9:19

PAPA GƆD, grap nɔ, nɔ lɛ mɔtalman fil se i pas yu! Lɛ di neshɔn dɛn no se dɛn gɛt fɔ tinap bifo yu fɔ jɔjmɛnt.

Di Sam Dɛm 94:16

Na PAPA GƆD nɔmɔ go tinap fɔ mi wɛn mi ɛnimi dɛn de biɛn mi.

Di Sam Dɛm 3:8

Na PAPA GƆD nɔmɔ de pul pɔsin pan trɔbul. Lɛ PAPA GƆD blɛs in pipul.