Di Nɔmba Dɛm 10:33 - Krio Fɔs Oli Baybul

³³ So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

Di Nɔmba Dɛm 10:33 Referans Kwoze

Ditarɔnɔmi 1:33

in we bin de waka wit dɛn wit faya na nɛt ɛn tik klawd santɛm de sho dɛn rod ɛn fɛn ples fɔ dɛn fɔ blo.

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jɛrimaya 3:16

Ɛn wɛn una dɔn mɔltiplay ɛn grow na di land, PAPA GƆD se, una nɔ go se, “PAPA GƆD in Ak ɔf di Kɔvinant” igen. I nɔ go kam na una maynd ɔ una nɔ go mɛmba am, ɔ mis am; una nɔ go mɛk am igen.

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Ayzaya 28:12

di wan dɛn we i dɔn tɛl se, “Na dis na alafia; gi alafia to pɔsin we dɔn taya; ɛn na dis na rɛst”; pan ɔl dat, dɛn nɔ gri yɛri wɔd.

Di Sam Dɛm 95:11

So pan mi vɛksteshɔn a swɛ se dɛn nɔn nɔ go ɛnjɔy fɔ de usay a de.”

1 Samiɛl 4:3

Wɛn di balans Izrɛlayt sojaman dɛn go bak usay dɛn de kamp, di bigman dɛn aks dɛnsɛf wetindu PAPA GƆD mek di Filistin dɛn win dɛn bad wan so. Dɛn se dɛn fɔ go tek di ak ɔf di Kɔvinant na Shaylɔ kam de wit dɛn. Dɛn se, di ak we go sho se PAPA GƆD de wit dɛn, go ɛp dɛn fɔ win di Filistin dɛn.

Di Jɔj Dɛm 20:27

Dɔn di Izrɛlayt dɛn aks PAPA GƆD (da tɛm de, di Ak ɔf di Kɔvinant bin de Bɛtɛl

Jɔshwa 4:7

I se dɛn fɔ ansa dɛn se, di wata na Riva Jɔdan bin dray we di man dɛn we de mek sakrifays fɔ pipul sin we de tot PAPA GƆD in Ak ɔf di Kɔvinant bin tinap insay de, so dɛn ston de go mek ɔl di jɛnareshɔn dɛn na Izrɛl de mɛmba wetin bin bi, te go.

Ditarɔnɔmi 31:26

lɛ dɛn tek di Lɔ Buk ɛn put am nia PAPA GƆD we na dɛn PAPA GƆD in Ak ɔf di Kɔvinant, so dat i go bi ɛvidɛns agens Izrɛl fɔ tumara bambay.

Ditarɔnɔmi 9:9

Mozis se we in bin go ɔp di mawnten fɔ go tek di tablɛt dɛn we PAPA GƆD bin dɔn rayt ɔl wetin dɛn fɔ de du, ɛn nɔ fɔ de du fɔseka di Kɔvinant we dɛn bin mek wit am, in bin de de fɔ fɔti de ɛn i nɔ it natin; wata sɛf a i nɔ drink.

Di Nɔmba Dɛm 10:12

so di Izrɛlayt dɛn muf dɛn kamp we dɛn bin dɔn de na di ɛmti land we pɔsin nɔ go ebul tap na Saynay ɛn waka go bɔku say te di klawd tap na di ɛmti land we pɔsin nɔ go ebul tap na Paran.

Ɛksodɔs 19:3

Mozis go ɔp di mawnten fɔ go mit PAPA GƆD. Na ɔp di mawnten i de we PAPA GƆD kɔl am ɛn tɛl am se; “Mozis, tɛl di Izrɛlayt dɛn, dat na Jekɔb in jɛnareshɔn dɛn se,

Ayzaya 11:10

Da de de, Jɛsi in rut go bi sayn to di neshɔn dɛn; naim di neshɔn dɛn go luk fɔ, ɛn ɔlman go kɔle pan di say dɛn we i go tap.

Jɛrimaya 31:2

Na dis PAPA GƆD se: “Di pipul dɛn we nɔ day na di wa bin gɛt gres na di wildanɛs; wɛn Izrɛl bin de go om,