Di Nɔmba Dɛm 10:29 - Krio Fɔs Oli Baybul

²⁹ Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.

Di Nɔmba Dɛm 10:29 Referans Kwoze

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Di Jɔj Dɛm 4:11

As ɔl dat bin de apin, wan man we nem Ibɔ we na Kenayt, bɔt bin dɔn kɔmɔt nia di Kenayt pipul dɛn we na Mozis in fadɛnlɔ, Obab, in jɛnareshɔn, ɛn bin dɔn go bil in tɛnt nia wan kɔtin tri na Zananim nia Kedɛsh.

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Ɛksodɔs 2:18

Wɛn dɛn rich na os to dɛn papa Ruɛl, i aks dɛn wetindu dɛn tɔn bak kwik.

Jɛnɛsis 32:12

Yu bin dɔn se yu go mek ɔltin fayn fɔ mi ɛn yu go mek mi jɛnareshɔn bɔku lɛkɛ sansan na bich we nɔbɔdi nɔ go ebul fɔ kɔnt.”

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Apɔsul Dɛn Wok 7:5

Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in grampikin pikin dɛm yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat.

Jɛrimaya 50:5

Dɛn go aks fɔ di rod fɔ go Zayɔn, ɛn dɛn go tɔn dɛn fes de, de se, “Una kam lɛ wi jɔn wisɛf to PAPA GƆD wit wan Kɔvinant we go de sote go we nɔbɔdi nɔ go ɛva fɔgɛt.’

Ayzaya 2:3

Bɔku pipul go kam ɛn tɔk se: ‘Kam, lɛ we go ɔp PAPA GƆD in mawnten, na Jekɔb in Gɔd in os; mek i go tich wi in we so wisɛf go waka aw i want wi fɔ waka.” Bikɔs na zayɔn di lɔ go kɔmɔt, ɛn PAPA GƆD in wɔd go kɔmɔt Jerusɛlɛm.

Di Sam Dɛm 34:8

Kam si fɔ yusɛf se PAPA GƆD na gud PAPA GƆD; I fayn fɔ di man, we de aks am fɔ kɔba am.

1 Samiɛl 15:6

Dɛn i tɛl di Kɛnayt dɛn fɔ muf kɔmɔt to di Amalɛkayt dɛn mek i nɔ dɔnawe wit dɛn ɛn di Amalɛkayt dɛn togɛda, as dɛn bin trit di Izrɛlayt dɛn fayn we dɛn bin de kɔmɔt na Ijipt. So di Kɛnayt dɛn kɔmɔt usay di Amalɛkayt dɛn de.

Di Jɔj Dɛm 1:16

Di Kɛnayt dɛn, we na Mozis in fadɛnlɔ in jɛnareshɔn, fala di Juda fambul kɔmɔt Jɛriko, we dɛn kin kɔl Pam Tri Siti, go tap na di ɛmti ples we de na di ɔt ɛn dray ples nia Arad na Juda. Dɛn tap de wit di pipul dɛn we dɛn mit de.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Ɛksodɔs 18:27

Jɛthro lɛf fɔ go bak nain yon ples ɛn Mozis tɛl am gudbay.

Ɛksodɔs 18:1

Jɛthro, dat na di man we de mek sakrifays fɔ pipul sin na Midian, ɛn we sɛf na Mozis in fadɛnlɔ, yɛri ɔl wetin PAPA GƆD dɔn du fɔ Mozis ɛn fɔ dɛn Izrɛlayt dɛn dat na PAPA GƆD in pipul dɛn ɛn aw i pul dɛn kɔmɔt na Ijipt.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.

Ɛksodɔs 6:4

A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Ɛksodɔs 18:12

Nain Jɛthro, dat na Mozis in fadɛnlɔ gi wan animal fɔ mek dɛn bɔn am as sakrifays to PAPA GƆD. Erɔn ɛn di ɔda Izrɛlayt bigman dɛn jɔyn Mozis in fadɛnlɔ pan di sakrifays ɛn it wit am ɛn wɔship PAPA GƆD.

Di Nɔmba Dɛm 10:28

Na so di Izrɛlayt dɛn bin de wɛn dɛn de mach as dɛn de go.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Ditarɔnɔmi 30:5

ɛn PAPA GƆD we na dɛn PAPA GƆD go kɛr dɛn go bak na di land we na dɛn fɔstɛm-papa dɛn prɔpati, so dat dɛn go go de de. PAPA GƆD go mek dɛn jɛntri ɛn plɛnti pas dɛn fɔstɛm-papa dɛn.

Di Sam Dɛm 95:1

Una kam mek wi gladi ɛn siŋ to PAPA GƆD lɛ wi ala ɛn mek nɔys to am nain na di wan we de kɔba wi ɛn pul wi pan trɔbul.

Di Sam Dɛm 100:1

Mek ɔlman we de na wɔl siŋ lawd wan to PAPA GƆD.

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Ɛksodɔs 2:21

Mozis gri fɔ tap wit di man ɛn i gi am in gyal pikin Zipora fɔ mared.